Versets bíblics populars de मर्कुस 16

Comparteix

ओःले येशुइ खुङक्याला लाःसी, “जाम्बुलीङगीइ थाम्जेरछ्‍योले सुङ ओःले थाम्जेर मीःक्याला याःबु लेःङ्‍गो प्रचार पेःदो।

ओःले सेमल्हुक लुगेनक्याला याःमाछाककीइ लेःगाक्या पेःगेन ल्हे तेर्केन एः। खुङक्याइ ङाःइ मीःनला हेन्डीक्या तेङेन एः ओःले सेम्बा तामक्या लाःकेन एः, प्रुःलक्याला जुम्ङेन एः ओःले वीषरा थुङ्नाङ खुङक्याला चीङ मेःन्डोगेन एः। खुङक्याइ नेःपाक्याखाला लाःक्पा ज्यासुना खुङक्या टाःगेन एः।”

सेमल्हुक लुदी बप्‍तीस्मा लेःङेनक्या थार्केन एः, इःनाङ सेमल्हुक मीलुगेन्दीदी कोन्ज्योइ तोःङ्ला दोषी ओःङेन एः।

ओः योबाक्या काःल्दी थाम्जेर ठाउँक्याला लेःङ्‍गो प्रचार पेःसी। प्रभुइ खुङक्यालाःम्‍ले लेःगा पेःसी ओःले खुङक्याइ टाःम्क्योक लेःङ्‍गोक्या तेःन्दामगीइदी इःङे लाःती खुङक्याइ पेःक्योक याःमाछाककीइ लेःगाक्यालाःम्‍ले तेङ्तेर्सी।]

इःनाङ ओः स्यारा मीःइ खुङक्याला लाःसी, “माःजी, ख्योक्या क्रुसला प्याङ्क्योक नासरतकीइ येशुला छोल्देरा एः। खुङ नी दीला म्याः, खुङ नी सोम्बो काःल्सीःङ्सी! तादो, खुङला ज्याक्योक ठाउँ दीखोरा इःङे।

इःनाङ तुःर्साला लेप्‍ती तागासुना नी ओःछेइ छ्‍योम्बो तोः तोःङ्लारा तुःर्साइ खालाःम्‍ले तेङ्सीःङ्क्योक थोङ्सी। खुङक्या तुःर्सा नाःङ्ला स्युःदी तासुना ओःला मेःराङ चीग कार्मु केःला केःङ्क्योक स्यारा मीः तुःर्साइ च्याःबुछ्‍योले तेःतीरहीतीदी एःके। दीखो थोङ्दी खुङक्या ङाङ्सी।