Versets bíblics populars de Kyananaka 2

Comparteix

Kija Pɛtɛlɔ a꞉ɓutisio ɓɔ: « Nicheni mɨtʉma ngiindɛnʉ, nambʉkwa uɓatiso akʉ ino yɨ Yeso Klisito, ambʉ Asʉɓɨɨ ʉnɨpɨa ɓʉɓɨɓɨ ngiɓʉndɛnʉ, ambuninzo apɛpɛ wʉ 'Ʉtʉma wɔɔ Tu.

Wati kʉ uɓomu ɓombi ngiɓʉnanɨ ɓi꞉nye kʉkɔ mapanʉ ngika kʉ ɓatitima nʉ taa yengo. Ɛɓɔ kʉ ɓuɓomu ɓi꞉nye tʉkʉ ɨkyɛmɛ mɨngana, nʉ ɓi꞉nye dyakaka tʉkʉ ɨzɔ, nʉ kʉta kʉ ɨzɔ.

Ɛɓɔ kʉ ɓuɓomu ɓambuhuo nʉ 'Ʉtʉma wɔɔ Tu, ɓambufaniso yaka nʉ maɗaɗa nga kɔmɔ ngbanga kʉndʉ aka 'Ʉtʉma wi꞉nye‑ɔɔ naɓɔ kutitio kʉyaka.

Tʉkʉ nɨma ngiinanɨ ungito mungono wa꞉ʉngwa ekoo ʉ ɓisi, ndʉ mahuo wɔɔ ʉja wakʉpɨka, wambuhuo amati ʉ ɨkáa kʉ iɓomu ngia ɓi꞉nye‑ɛɛ ɓuwei. Kija ɨkyɛmɛ mɨngana ya꞉ɓʉa ndʉ magou kʉ dyaa. Maɗaɗa kɔngɔ kambʉnanzana, kambʉnapɨanɨa ekoo ʉ ʉndaɓʉ kʉ nangana nangana. Ɛɓɔ kʉ ɓuɓomu ɓambuhuo nʉ 'Ʉtʉma wɔɔ Tu, ɓambufaniso yaka nʉ maɗaɗa nga kɔmɔ ngbanga kʉndʉ aka 'Ʉtʉma wi꞉nye‑ɔɔ naɓɔ kutitio kʉyaka.

Makwaa kʉ muɓomu, ɓi꞉nye junikio kʉ gagaa amati ʉ ɨkáa yɨ Asʉɓɨɨ nʉ 'ʉtʉma mungono. Ɓi꞉nye dyakaka amati ʉ lɨkáa ngilʉndaɓʉ, nʉ dyakaka nʉ ɨgyagya nʉ 'ʉtʉma wɔɔ ijisinise nɨsɨ. Ɓi꞉nye bibiso Asʉɓɨɨ nʉ ɓombi kʉ ɓuɓomu ɓi꞉nye nʉ ɨgyagya ekoo ʉndaɓʉ. Makwaa kʉ muɓomu Makʉʉɓɨɨ i꞉nye matɨa mboi yɨ ɓombi ngiɓa ɓa꞉nyɨa nʉ ɓʉhɨa amati ʉ ndiba ngiʉndaɓʉ.

Asʉɓɨɨ akusigo ɓɔ: ‹ Ʉneni moni ngika ka꞊kyɨanɨa sina akʉ maɓisi kʉ 'upipio: Ma꞊ijiso 'Ʉtʉma wɔɔ Tu nguʉsɛmɛ ekoo ʉ ɓombi kʉ ɓuɓomu. Ɓana ngiɓʉndɛnʉ ɓɔɔ gue nʉ iɓa ɓɔɔ ɓoi ɓa꞊kwa sina ɨgbɛ kʉngaka moni ngika kakʉʉngwa ɔɔ Asʉɓɨɨ. Ɓandambʉ ngiɓʉndɛnʉ ɓa꞊na sina moni ndʉ ʉtakanaka. Likwei‑kwei ngilʉndɛnʉ la꞊ʉtakanaka sina ʉtakanakaa.

Ɓombi ngiɓa ɓa꞉baya kʉ ɓuɓomu ɓi꞉nye tʉkʉ ɨkyɛmɛ mɨngana, nʉ ati ʉndaɓʉ ɓi꞉nye ɨpakana kumbo kʉ 'uɓomu ngia ɓi꞉nye nayɔ ati ʉndaɓʉ. Ɓi꞉nye gabiso ɓagɨpa nʉ kumbo ngiʉndaɓʉ. Kija ɓi꞉nye ɨpakana falanga ɔngɔ ati ʉndaɓʉ kʉ ɓuɓomu kʉkpatanakɨa tʉkʉ nʉ ɓanangyɨa ngiɓa mombi i꞉nye kyɨa naɓɔ.

Kija mombi kʉ 'uɓomu ngia a꞊soko ino yɨ Makʉʉɓɨɨ a꞊nyɨa nʉ ɓʉhɨa. › »

Ɨpá ya꞊nɨtanaka sina umomo nʉ uyi ɓʉ ngboo ndʉ miniki. Mbise ɔngɔ, kija ɓisi ɓɔɔ ɓaja ngiɓa ɓʉ Makʉʉɓɨɨ iɓa ɓʉ ɨbɨba ɓa꞊ka tiga.