Versets bíblics populars de Mataayo 7

Comparteix

ɄYeesu ahonjela ahaga, “Laabhaji, namwɨ munza hwambɨɨlɨle. Anzaji, namwɨ munza huvyaje. Iguzyaji, namwɨ munza hwigulilwe ʉlyango.

Ɨnjanjile ɨsho, pɨpo ʉmuntu wowonti wa‑alaabha, ahwambɨɨlɨla, wa‑ahwanza, ahuvyaga, wa‑ahwiguzya, ahwigulilwa.

ɄYeesu ahamala ayanje ahaga, “Ʉmuntu wowonti wa‑ahwʉmvwa amazwi gaanɨ ɨgo na hugabhombele ɨmbombo, abha nanshi ʉmuntu ʉwɨ njeele, ʉyo ahazenjile ɨnyumba yaakwe pa mwanya pi‑ilyalawe.

Ɨshi, mubhabhombelaje abhantu abhanjɨ nanshi sha musʉngwa huje bhabhabhombelaje amwɨ, pɨpo ɨzyo zyɨ ndajizyo zya Moose nɨ manyizyo zya bhakuwi bha Ngʉlʉbhɨ.”

Leelo ʉlyango ʉgwa‑atʉʉshɨle hu wʉʉmi nʼnyeela, ni‑idala ɨlya‑abhale ʉhwo linyeela, nantele abhantu ɨbho bhahulyaganya, bhali bhashe.”

Ɨpo ʉYeesu ahajendeelela ayanje ahaga, “Tʉʉhaji ashilile ʉlyango ʉnʼnyeela. Ɨnjanjile ɨsho, pɨpo ʉlyango ʉgwi‑idala ɨlya‑abhale hu malabha mʼbaaba, ni‑idala ɨlya‑abhale ʉhwo libaaba tee. Nantele, abhantu ɨbho bhashila ʉmwo, bhinji.

Poshe amwɨ muli bhɨ mbiibhi, leelo mumɨɨnye hubhapeele abhaana bheenyu ɨvintu ɨvinza. Lyoli ʉDaada weenyu ʉwa hu mwanya anza hubhapeele ɨvintu ɨvinza bhaala bha bhahunʼnaabha.

Ɨpo ʉYeesu ahayanga ahaga, “Mugandi alonje abhanjɨ huje ʉNgʉlʉbhɨ asahabhalonje namwɨ, pɨpo shiila sha muhubhalonga abhanjɨ, sha shɨɨsho ʉNgʉlʉbhɨ wope sha‑ahayihubhalonga namwɨ. Ɨshipimilo sha muhubhapimila abhanjɨ, sha shɨɨsho ʉNgʉlʉbhɨ wope sha‑ahayihubhapimila namwɨ.

Leelo ʉmuntu wowonti wa‑ahwʉmvwa amazwi gaanɨ ɨgo, wope saga ahugabhombela ɨmbombo, ʉyo abha nanshi ʉmuntu ʉmʼfwasu ʉyo ahazenjile ɨnyumba yaakwe pa mwanya pa nʼsanga.

Yeenu ʉhwenya ahakooko ha hali mwi‑iliiso lya wamwenyu, leelo saga ʉsaajila ikooko lya lili mwi‑iliiso lyaho? Nantele, ʉbhajiiye wɨlɨ humʼmʉʉzye ʉwamwenyu huje, ‘Wee miya, ɨnzaga ɨhwefwe ahakooko ha hali mwi‑iliiso lyaho,’ hu habhaazyo hɨnɨɨho mwi‑iliiso lyaho muli ikooko?

ɄYeesu ahajendeelela ayanje ahaga, “Mubhanje maaso na bhakuwi abhi‑ilenga. Ɨnjanjile ɨsho, pɨpo lwa bhahubhɨnzɨla, bhahwibhɨɨha abhe bhatonsu nanshi ɨngoole. Leelo mu mooyo gaabho bhakhali nanshi ɨmbwalonde. Ɨbho munza hubhamanye hu njendo zyabho. Wɨlɨ, abhantu bhatʉngʉla amantongooni agɨ zabiibu mu makwi agɨ mimvwa, awe bhatʉngʉla amantongooni agɨ makʉ mu makwi agɨ mimvwa? Ndaadi!

Ikwi lyolyonti ɨlinza lihwela amantongooni aminza, leelo ikwi lyolyonti ibhiibhi lihwela amantongooni amabhiibhi.

Ikwi ɨlinza saga libhajiiye ahwele amantongooni amabhiibhi, nantele ikwi ibhiibhi saga libhajiiye ahwele amantongooni aminza.

Ikwi lyolyonti lya saga lihwela amantongooni aminza, lidumulwa na‑ataagwe mu mwoto.