Versets bíblics populars de Mataayo 2

Comparteix

Ɨpo bhahatʉʉha mu nyumba, bhahanʼnola ʉmwana ali peeka nʉ nyina waakwe ʉMaliya, bhahanʼsugamilila, bhahamʼpuuta. Bhahasatula ɨmbuguulu zyabho, bhahafumya ɨmpeesya hwa mwana. Ɨmpeesya ɨzyo zyahali zahaabu, vintu ɨvya‑asushizye nɨ nyemba zya zinunshila shinza.

ɄYeesu ahapapwilwe mwi‑ibooma ɨlyɨ Beseleheemu, hu mukowa ʉgwɨ Yudeeya, hu habhaazyo ɨho ʉmwɨnɨ ʉHeloode ʉNʼgoosi lwa‑alongozya. Ɨshi, hu habhaazyo ɨho, mwi‑ibooma ɨlyɨ Yelusaleemu bhahafumiiye abhamanyiihanyi abhɨ nzota bha bhahafumile ʉhwo litukulila isanya. Abhamanyiihanyi ɨbho bhahaga, “Ali hwoshi ʉyo apapwilwe huje abhe Mwɨnɨ wa Bhayahuudi? Timɨɨnye huje apapwilwe, pɨpo tiyilolile ɨntondwe ʉhwo hwa litukulila isanya. Ɨshi sha shɨɨsho atɨ tɨnzɨle humʼpuute.”

Ɨshi, lwa bhahayilola ɨntondwe ɨla, bhahasha tee.

Ɨshi, ʉNgʉlʉbhɨ ahabhasunda mu nzozi huje bhasahasheele aweele nantele hwa Heloode ʉNʼgoosi. Ɨpo bhahashilila idala ɨlyɨnjɨ aweele hu nsi yaabho. Abhamanyiihanyi abhɨ nzota bhaala lwa bhasogola, ʉnʼtumi wa Mwɨnɨ ahamʼmwɨnzɨla ʉYoosefu mu nzozi, ahamʼmʉʉzya ahaga, “Daamuha! Ʉmʼmweje ʉmwana nʉ nyina waakwe, mushɨmbɨɨlɨle hu nsi ɨyɨ Miisili. Mushɨmbɨɨlɨle ʉhwo, pɨpo ʉmwɨnɨ ʉHeloode ʉNʼgoosi ahumʼmwanza ʉmwana ʉyo huje anʼgoje. Ɨshi, musyale huhuula afishe hu habhaazyo ɨho lwa nahayihubhabhʉʉzya huje muweele.”