Versets bíblics populars de Lukas 19

Comparteix

Daiñi aanï ïr otosadï Diuxi ix makïdï ïmo kïïrhi busai dai dibia aanï gaaga iñagaitai odami ix makïdï ïr xibhï iimiadï Diuxi bïïtarï. Dai aapi Zakeo ïr ïmoko ix makïdï gaagaitadai aanï. Dibia aanï dai kïïgakïrï bubaida iñagai soimaaxi ibuadami tudu— itïtïdai.

Daidi adukai ikaitimi ïgai, —Ipïrhidi aatïmï sai kïïga biakana bhai ïrhiaragai idi gïr Reyga ix makïdï gïr dibiji xibi. Otosadï gobai Diuxi gïr Tïanïdmiga kaxkïdï. Dai xibi ka bhai duñimu gobai sai ka mai ïko darakagi aatïmï Diuxiañdïrï ix makïdï tïbagiana daka. Agia gï agai xi oidakagi gïdukami xadutudaragai Diuxi bïïtarï ami tïbagiana— ikaitadai go odami.

Daidi Suxi potïtïdai go Zakeo ïmadï bïïxkatai ix makïdï ami darakatadai, —Aapi Zakeo ka ïma dukai gï tïgito dai podukai maaxitu aapi sai buaboikïdï ïr pipiixaradï aapi go Abraamkaru. Kaxkïdï xibi ka kïïgakïrï busai aapi ïmadï bïïxi gï aaduñi tami idi kiiyïrï óídakami.

Dai aidïxi ayi go Suxi ami xako uxiana daka go Zakeo dai tïï ix tïka daja ïgai daidi potïtïdai, —Xibi gï agai xi gï kiiyïrï gin urhiñdagi aanï. Obaidañi tudu dai tïbanda abhiadïrï— itïtïdai. Dai otoma tïbai go Zakeo go uxiañdïrï dai bhai ïrhiarakïdï miadïgidi ïgai go Suxi sai gï urhiñana ïgai ami kiidïrï.

Dïï gia go Zakeo kïkiba ami bïïxkatai buitapi daidi potïtïdai ïgai go Suxi, —Daiñi aapi gin Tïanïdamiga, maaki iñagai tajukami gin buxtuidaga go soititigami. Dai bïïxi go tuminxi ix makïdï gaïïxidiña aanï buirmadatai aanï odami, gobai aa noraidamu aanï ïpamu. Xibi aanï aagai sai maakobako bamioma aa noraidamu aanï ix makïdï gaïïxidi aanï— itïtïdai.

Dai ïïmadutai go fariseos kaï ix kaititadai go odami daidi potïtïdai ïgai go Suxi, —Gobai ïr gï mamaatïrdamiga dai pokaitimi di. Bhagaidañi aapi. Daidañi ix ka mai Reygadï gï aagada ïgai— itïtïdai ïgai bhakoikai. Dïï gia Suxi mai ïïgidi dai bhaiyoma potïtïdai, —Daiñi— itïtïdai. —Ix idi odami dodorhi biyagi dai ka maiti gin xadutuadagi aidï gia asta go ojodai iiñakada antaada gin xadutudaitai— itïtïdai.