Versets bíblics populars de Dzwan 6

Comparteix

Yesù mee a ghu nə, “Mə də ba kə imuə̀, aghû yə̀ ghu bû nəniy akə̀lə̀ mìə̀ dzoŋ way ani kàm zab kòʼ ghu, aghû yə̀ ghu bɛmə kə awò mìə̀, fòŋ kì kàm swə kòʼ way ghu.

À də̌ Zwày k-a-zə̀ kə nyiə̀ nəniy imuə̀ yìy. Daʼa kə wù mbyi kiy kwu dzə̀ way fàʼ kə̀liy kiy. Ayiə yə mə dzây nəniy â ghà a bê nə̀ Zwày k-a-zə̀ kə̀ kə nyiə̀ nəniy imuə̀ yìy.

Ghà kə nyəŋ dzə̀ adzəmə̀ ùfànyiə wə̀ u də nəniy ani mbab bɛb, ghà kwuni kwu ani ndəmi tsə iwee anə ufànyiə wə u nyiə̂ nəniy imuə̀ itsà yìy. À də̌ ndzòʼò ufànyiə̀ wə Wà Wù nyiə̀ nəniy, aŋwòə Təli Kəzə̀ mə bɛmə na we nə̀ ù fàʼ aghii.”

Təli wam liə nə̀ aghê yə̀ àdzə̀m ghu kôʼ nəniy miə, bɛmə kə sòʼò awò mìə̀ nə̀ ghu kəli tsə imuə̀ itsà. A ni bû tsuk fə isaʼ fìy kpe tsə̀ nəniy mə ni zɛmə̀ kə̀ ghu tə̀ ghu kəli tsə imuə̀.”

Yesù ə bə̀lì yə̀ a ghu nə̀, “Zə̀kìy liə nə̀ ghà kəli tsə ibɛmə azoŋə̀ wu wə̀ ù twum bə̂ nəniy.”

Wù wə̀ təli wam nyiə̀ bə̂ dzə we awò mìə̀, ù kì bè ŋwò a kə̀lə̀ mìə̀. Mə kî dzwùm sòʼò way wù wə̀ ù bù dzə̂ akə̀lə̀ mìə̀.

Simùn Pità ə bə̀lì kə a we nə, “A Mwe ə̀ mbyi, Ghè kî zè akə̀lə̀ ndìə̀? Wò kwu ayiə yə a nyiə̀ nəniy imuə itsà yìy.

À də miə ba kə kə kwu nəniy imuə̀ yìy, kə kə fyi tswi bə̂ nəniy an-a-vələ. Abu wù nyi nəniy ba kə ghà kə̀, u nî mwùə̀ təŋ. Ba kə ghà kə̀ ghî də̀ uwee nam wə mə kî nyiə̀ ŋwô yə̂ nəniy bòʼ imuə̀ i aghè àdzə̀m fə̀ anə mbyi.”

Wù lìy wày dzə ani bù akə̀lə̀ mìə̀, à mày kə̀ nə̀ təli wə ù twum bə̂ nəniy miə ù nìy bə̀ we. Mə nî zɛ̀mə̀ dzwoŋi bə̂ sòʼò we a ntsuk fə isaʼ.

Ufânyiə wə Zə̀kìy nyiə̀ nəniy à də wù wə̀ Zə̀kìy twum bə̂ nəniy ù ŋwò bə̀ nəniy an-a-vələ, ani bù nyə̀ sòʼò ìmwùə̀ awò àghě mbyi yiy.”

Mə də ba kə kə nyə̀ nəniy imuə̀ yìy!

Yesù ə nìy kə ghɛbə tə uba tə̀, nyə̀ tsə kəzòŋə̀ awò Zə̀kìy, nyə̀ yə̀ nə̀ tsə̀təndii tə we tiy dzâw nyiə̀ yə̂ awò àghù yə̀ ghu kə də nəniy awo. U zəŋi sòʼò ìghəd nə̀ tsi tə, aghû yə̀ ə nyi kwu dzwàb tsə. Abù ghu ndoʼò nyi kwuu dzwâb tsə nəniy, u dzày yə̀ â tsə̀təndii tə we tiy a ghu nə, “Ghà byoŋi bə̂ mbòʼò mə̀ ùba mə nə̀ mbùŋə̀ mə̀ tə̀tsiy mə, tə̀ ŋgà kə nyâb màʼà dzə̀.”

A də̌ nə̀ tsə̀təndii tə mə ŋwò nyi này yə̀ anə dzwî bənə kwùmə̀ yə̀ kaam tə təntàm ìtà, moo ìntyìfoŋ. Ghu kòʼ Yesù bwìy kyoŋə bə̂ anə tuw kə mwi anə dzwî, bwìy kyoŋə bə̀ a kə̀lə̀ kəmfə̀n, itsəŋ i ŋge nyi ghu anə təfòŋ. Yesù ə dzìy a ghu nə, “Ghà kə tsəŋ dzə̀, à də̀ miə!”