Versets bíblics populars de От Матфея 16

Comparteix

Та̄хкын Иисусым малихся̄ҳтыни пикӣ: «Китум алңунак малихсюкумиңа, лъми катам пиюкылъыни пыхлъюку, қақӯрани уямиглюку малихлъиңа.

Ынка̄м пӣмкын, Петырыңӯтын, Уйӷак. Хўагун уйӷахкун ныкыфлъықақа юӷаӷвика, туқулъҳым аҳтуӷьяҳқа̄нӷилъҳан кая̄лъқысяҳқақынӷитңхўа̄ӷа̄.

Лъпынун тӯнылъықанка қипыти Атаныҳпагулъҳан Қилягым. Сяңўа̄ алңунак асиҳтыкувгу нунами хўани, асиҳсяҳқа̄гуқ қилягмилъю. Сяңўа̄ алңунак итымускувгу нунами хўани, итымусяҳқа̄гуқ қилягмилъю».

Қаюҳлъяк китум алңунак уңувалъыни лъңанун катам пикникумигу ифлъяяҳқақа̄. Китум алңунак пыхтыкумигу уңувалъыни хўаңа апалъюқлъюңа алъхыҳлъықа̄.

Сяңўа̄ңам югым пиниҳқусиқылъықагу пилӣлъюку нунаҳлъяк, ифлъякумигу уңувасигни? Та̄ўа аваңитуқ выҳтусиҳқамың уңувасигминун.

А̄птыкӣ: «Лъпысими кинаңунӣқыстыңъа?» Симон Петырым кӣмсиқа̄: «Христосыңӯтын, Иӷныӷа уңувалӷӣм Кияӷныӷым».

Иисусым пика̄: «Қуястылъылгӯтын, Симон, иӷныӷа Ионам! Қаюҳлъяк югмың лӣсимаңитан, Атама қилягмылңӯм лъпынун лӣтыстыкақа̄.