Versets bíblics populars de KARARIADI 12

Comparteix

Ia sarung mangonggo si kau hintou ko maul᷊i dang i sire sarung makoa bangsa ko l᷊abo. Ia sarung mangal᷊amati si kau dang mukoa areng u tumeleng, hakiu i kau sarung makoa al᷊amati. Ia sarung mangal᷊amati apang taumata ko mangal᷊amati si kau dang mangane apang taumata ko mangane si kau. Dang ual᷊ing i kau Ia sarung mangal᷊amati kaul᷊i u bangsa su dunia.”

MAWU nuhengetang si Abram, “Tintangte wanuau, walagheng u l᷊au wal᷊e ngi papa ngu, bou e'e tamaite sarang wanua ko sarung Daku itibo si kau.

I Abram umurie pitumpul᷊ol᷊ima su taunge su tempo ngi sie nanintang u Haran, kere ko niparenta ngu MAWU si sie. I Abram nuwua sarang tana Kanaan singkahindo dingang i Sarai kawinge, l᷊au i Lot ana u tuaringe, dingang u patiku rarotong dang manga l᷊ang ko nikarea i sire su Haran. Suapang i sire nurating u Kanaan

MAWU nutingkaandaghi watangeng-E si Abram dang nuhengetang si sie, “Seng i'i wanua ko sarung Daku ionggo su hintoungu.” Bou e'e i Abram nupararisi mesba simbau su se'e guna ngu MAWU ko seng nutingkaandaghi watangeng-E si sie.