Versets bíblics populars de MARIKI 4

Comparteix

Yezu kununna ka sɔngɔ fɔnyɔ kunna, k'a fɔ a ye ko a ka lɔ. Fɔnyɔ lɔra. A y'a fɔ baji ye ko a ka mankan dabila. Jii ye mankan dabila. O kɔ, a y'a fɔ a ka kalandenw ye ko: “Mun na aw bɛ siran ten? Aw ma la ne la halibi wa?”

U siranna kosɛbɛ fɔɔ u ye nyɔgɔn nyininga ko: “Cɛɛ nin ye jon ye ni fɔnyɔ ni baji yɛrɛ bɛ sɔn a ta ma?”

Yezu tun bɛ sinɔgɔra kurun kɔfɛla la, a kuun lanin tun bɛ piti kan. A ka kalandenw y'a kunun k'a fɔ a ye ko: “Karamɔgɔ, an bɛna halaki jii la, i tɛ hami o la wa?”

Yezu y'a fɔ u ye tuguni ko: “Aw bɛ kuma min mɛn, aw k'aw janto o la kosɛbɛ. Ala bɛna aw sɔn ka kɛnyɛ n'aw ka lamɛnni kɛcogo ye. A bɛna dɔ fara aw ta kan yɛrɛ

Yezu y'a fɔ tuguni ko: “Ala ka masaya barika bɛ bonya cogo min na, o filɛ nin ye. A bɛ kɛ i n'a fɔ cɛɛ dɔ min ye sumansi seri a ka foro la. O kɔ, cɛɛ bɛ to ka sinɔgɔ sufɛ ka kunun sɔgɔma. O waati la, kisɛ bɛ falen ka bonya k'a sɔrɔ cɛɛ m'a falen n'a bonyacogo lɔn.

Tulo b'aw fɛ ka mɛnni kɛ. O la, aw ka aw tulo malɔ ka nya.”