Versets bíblics populars de Johana 5

Comparteix

Ndakyene ndakyene unene ndikuvalongela nditigila: je ipulika ilidzwi lyangu unene neke amufuvwage je anumile unene, ujo ali navo uvûmi vwa mbêpali, je asilafika na paluhigilo, nda hamu, ujo alovoṅise ukuhuma muvufwe ukwingila kuvûmi.

Neke umwene Jesu, avye amuvwene, pe alambalye baho, avye apulike nulwa kuta agonile mbandu baho, neke baho atigilage: ukelye pakupona uveve?

Mwipodzandza muhâte, pakuva mwihambula mwe tukuvuvonela uvûmi vwa mbêpali; neke idzene dzikundzolela june. Neke uńeńe mwikana ukwadza ukwangu, ukuta muvedzage navo uvûmi.

Neke Jesu atigilage: vwimage, vwinulage nulutefu hvako, uhelelage. Neke baho umunu uju neke ananilage namulomo gula neke inulage ulutefu lwakwe neke ahelelage. Neke lino ikigono kikyo pali pe pańwabaha.

Neke baho Jesu neke apilusage atigilage: ndakyene ndakyene unene ndikuvalongela nditigila: umuswamuve ilemwa ukululima ulwakwe mwene, ilima lwene lulo, lwe avwene akululima na ju dadye. Ndivwene lwe ilima jujo, apo na ju muswamuve ilima nave lulo.