Versets bíblics populars de मत्ती 21

Comparteix

ते जे किच्‍छ तुसा प्रार्थना भी मेरे का मगंगे से सारा किच्‍छ तुसा जो मिलणा।

यीशु ने तिन्हा जो जवाब दित्तेया, मैं तुसा कने सच बोलदा, जे तुसा विश्वास रखो ते शक ना करो, ते ना सिर्फ ए करगे जे इस अंजीर रे बूट्टे कने कित्ते रा है, पर जे इस पहाड़ कने भी बोलगे, उखड़ी जा, ते समुदंर बिच जाई पे, तां ए होई जाणा।

जे भीड़ अग्गे-अग्गे जाया करदी थी ते जे पीच्छे का आया करदी थी, हक्कां लाई-लाई करी बोलदी थी, “दाऊद री औलाद री जय हो है, धन्न है से जे प्रभु रे नां कने आदां, स्वर्ग बिच जय हो।”

ते तिन्हेरे जो बोल्लेया, लिख्खे रा है कि मेरा घर प्रार्थना रा मन्दिर होणा पर तुसा तिसजो डाकुआं रा अड्डा बणादें।

“सिय्योन री कुड़ी जो बोल्लो, ‘दिख्ख, तेरा राज्जा तेरे का आदां है; से नमर, ते गधे पर बैठ्ठे रा है; बल्कि लादू रे बच्चे पर।’”

यीशु ने तिन्हा जो बोल्लेया, कै तुसा कदी पवित्रशास्त्र बिच ए नी पढ़ेया: जिस बट्टे जो राजमिस्त्रियां ने ठुकराई दित्तेया थिया, से ही कुणे रे सिरे रा बट्टा होई गेया? ए परमेश्वर रे पास्से का होया ते असा री नजर बिच अनौखा है।

इसी तांइ मैं तुसा जो बोलदा की परमेश्वर रा राज तुसा का लेई लित्तेया जाणा ते इदेइ गैर यहूदी जाति जो दित्तेया जाणा जे तिसेरा फल्ल लाए।