Versets bíblics populars de MATIUS 5

Comparteix

Takoa taumata ko mundiko sol᷊o, bou e'e sol᷊o itakatengu bunsari. I sie mambeng manimbo sol᷊o e'e su tampae, tadeau makasua sumanga taumata su l᷊al᷊ungu wal᷊e e'e. Kere'e l᷊ai kasasuangu mambeng pasinang su tingo ngu taumata, tadeau i sire makawua apang kakanoau ko mapia, samuri nge mundalo si Yamangu su sorga.”

I kumu ko kasasua ngu dunia. Soa ko su wul᷊ure ta i kawuni.

Karal᷊uasi su taumata ko bursi naunge; I sire sarung makakiral᷊a Mawu Ruata!

Karal᷊uasi su taumata ko pia kaoe su naunge mo mukoa ko i kao u Mawu Ruata; Mawu Ruata sarung mupakatuhu kao i sire!

Arawe su orasi i'i Ia mungl᷊i si kumu: kindaghite manga sudu u, dang kal᷊iomanenge manga taumata ko mutingkai si kumu

“Karal᷊uasi su taumata ko nakapundang watangenge seng tamakakanoa dang kitang muharapi su Mawu sisane; I sire e'e seng nirekeng umat u Mawu Ruata!

Karal᷊uasi su taumata ko mukoa purarame su tal᷊oarau taumata; Mawu Ruata sarung mangakungi sire musul᷊ungu manga ana-E!

Karal᷊uasi su taumata ko masusa naunge; Mawu Ruata sarung muhibori si sire!

Karal᷊uasi su taumata ko mutatahangu papahang ual᷊ingu mukoa kao u Mawu Ruata; i sire seng nirekeng umat u Mawu Ruata!

Karal᷊uasi su taumata ko kumindaghi taumata kowal᷊inge; Mawu Ruata l᷊ai sarung kumindaghi si sire!

Karal᷊uasi si kumu boko i pakamea, i pahangeng dang l᷊ai hinakaneng ual᷊ingu Ia. Manga nabi ko nuwiahi su horo i kumu seng nipahangeng kere'e l᷊ai. Pakal᷊uasite dingang pahul᷊iaghe, watu u kol᷊abo wawal᷊ise su sorga seng nisadia ngu Mawu Ruata si kumu.”

Karal᷊uasi su taumata ko masana naunge; Mawu Ruata sarung mupakariadi kiroung-E si sire!

“I kumu ko asingu dunia. Boko asing makoa ko malele, apa mborong botonge i pakapuhari? Seng takoae guna nge, katewe i rume l᷊au i totokang u taumata.

I Amangu su sorga kumindaghi nasuku su kaul᷊i u taumata. I kumu mambeng kere'e l᷊ai.”

Mangkate pangul᷊i ‘Ore’ arako ‘Ta’ mapal᷊iu bou e'e asal᷊e ko bou setang.”

“I kumu matitong pia l᷊ai tintiro i'i: mata ghaghantinge mata, isi ghaghantinge isi. Arawe su orasi i'i Ia mangul᷊i si kumu: kumbahang mamal᷊isi sakiunaung su taumata ko nukoa ko dal᷊ai si kumu. Boko taumata mameru pipiu ko kuaneng onggo l᷊ai pipiu ko kuihi.

Bokou matangu ko kuaneng makakoa dosa si kau, l᷊oi e dang rume'e mata e'e! Mapiang i kau kailangengu simbau bou bageangu badangu, sul᷊ungu we kaul᷊i u badangu i rume su l᷊al᷊ungu naraka. Boko l᷊imangu ko kuaneng makakoa dosa si kau, potoe dingang rume'e l᷊ima e'e! Mapiang i kau kailangengu l᷊ima simbuka sul᷊ungu kaul᷊i u badangu masu su naraka.”