Versets bíblics populars de LUKAS 17

Comparteix

Raduni Isa cawa jama ulun seno, “Minjakdo, rik mikdo. Mani niku percaya jama Nyak, niku munyai.”

Kik ia bedusa jama niku pitu kali delom serani rik unggal ia ratong jama niku ia cawa, ‘Nyak ngilu maaf,’ maafko ia.”

Waktu sai jak hantara tian sadar bahwa ia radu munyai, ia muloh sambil nyanyi-nyanyi memuji Allah. Kak raduni dihadapni Isa, ia sujud rik ngucapko terima kasih jama Ia. Jelma seno jak Samaria.

Ulih seno, waspadado! Kik puarimu bebuat dusa, tegur ia. Kik ia nyesol, ampunko ia.

Kak raduni Isa cawa, “Kan wat puluh jelma sai Kumunyaiko? Di dipa sai siwa lagi?

Tuhan ngejawab, “Kik keti ngedok iman balakni sebiji sawi, keti dapok cawa jama batang murbei inji, ‘Tecabutdo niku rik tetanomdo niku delom laok,’ pasti batang inji nurut perintahmu.”

Jelma sai berusaha nyelamatko kehurikanni, haga kelebonan hurikni. Kidangni jelma sai kelebonan kehurikanni haga nyelamatko hurikni.

Isa cawa jama jelma-jelma sai nutuk Ia, “Hal-hal sai nyebabko ulun bebuat dusa pasti wat. Kidang celakado jelma sai nyebabkoni! Lebih baik kik batu sai balak diikokko digalahni, kak raduni ia ditokko delom laok jak kik ia nyebabko sai jak jelma-jelma lunik inji bebuat dusa.

Waktu rani Anak Manusia dinyatako kanah, keadaanni injuk zaman Nabi Nuh tumbai. Jelma mengan nginum, rik kawin; injuk reno seterusni sampai Nuh kuruk delom kapal kak radu banjer ratong niwasko jelma-jelma sunyinni.