Versets bíblics populars de YAHYA 21

Comparteix

Lapatio mao̒ lolamelo, ti Isa lotahuda odelei Simon Petrus, “Simon, walae̒e Yona, wolo yio̒ lebe motolia̒nga ola-U̒ wolo tolia̒ngi mongolio ola-U̒?” “Otutu, Eeya,” tametao̒ lei Petrus, “Otaawa lo Eeya watotia motolia̒ngo to Eeya.” Ti Isa lotahuda olio, “Biyaheelo mongo walao̒ himba-U̒.” U oluolio ti Isa lohintu olio, “Simon walae̒e Yona, wolo yio̒ motolia̒ngo ola-U̒?” “Otutu, Eeya,” tametao̒ lei Petrus, “Otaawa lo Eeya watotia motolia̒ngo to Eeya.” Ti Isa luli lotahuda olio, “Biyaheelo ngoa̒amila himba-U̒.” U otolulio ti Isa luli lotahuda mao̒ olio, “Simon walae̒e Yona, wolo yio̒ motolia̒ngo ola-U̒?” Tei Petrus masiluukali sababu ti Isa malohintu olio tunggula poo̒otolu. Yi tei Petrus luli lolametao̒, “Eeya, otaawa lo Eeya totoonulalo u hitua-tuawua. Otaawa lo Eeya watotia motolia̒ngo to Eeya!” Tulusi ti Isa lotahuda olio, “Biyaheelo ngoa̒amila himba-U̒.

Otutu banali tahudaa-U̒ botie: Tou̒ yio̒ donggo muda mai, yio̒ lohihilao lomintolo wohutamu, wau lolontale penu boli ode utoonu u otohilaamu. Bo wonu yio̒ de mapanggola mola, yio̒ mamohudu mao̒ uluu̒mu, wau taawewo tamo ngawade olemu wau modelo olemu ode utoonu udiila otohilaa nao̒omu.”

Ti Isa lotahuda mao̒ olimongolio, “Pomahulalo mota pajalamu ode ambahu olowala lobulotu, alihu timongoli moo̒tapu mai tola.” Tulusi pajala boito pilomahulio mota limongolio, bo timongolio diilalo mambo lomantangai pajala boito sababu malo odito daatalio lotola todelomio.

Ualei Simon Petrus ode tawewo, “Watia motohilaa mota moheu̒pa tola.” “Ami moduduo̒,” loi̒ya mao̒ limongolio olio. Yi malonao̒ timongolio lotitae̒ tobulotu. Bo ilo-iloonua lou̒ hui boito timongolio diila loo̒ wau̒pa wolo-wolo.