Versets bíblics populars de YAHYA 13

Comparteix

Palenta bohu wohi-U̒ mai olemu: Tolia̒ngilo ngota timongota, debo odelo Wau̒ motolia̒ngai olimongoli odito olo timongoli musi mototoo-lia̒nga. Wonu timongoli mototoo-lia̒nga, ngoa̒amila tau mamotota deu̒ timongoli muri-U̒.”

Wonu Wau̒ odelo Eeya wau Guru mongulo mai oa̒atumu, yi timongoli olo waajibu mongunguuloa mao̒ oa̒ati mongoli. Wau̒ mongohi mai obaaya botie olimongoli, alihu timongoli olo mopohutu mao̒ wolo umaa pilohutu-U̒ mai olimongoli.

Ti Isa lolametao̒, “Botia yio̒ diila mongalati wolo u pohutuwo-U̒ botie, bo yio̒ de mamongalati mao̒.”

Otutu banali tahuda-U̒ botie: wato ngota diila lebe udaa̒ woli tuanilio, wau utolia ngota diila lebe udaa̒ wolo talolao olio.

Wonu mai̒lotaawa limongoli ngoa̒amilalo botie, potisangilo tutu timongoli wonu mopohutu mao̒ uito.

Sababu uito Tio tilimihulao̒, malomuo̒ jumba-Lio, wau lopo bintolao̒ hando to wohuta-Lio. Lapatao̒ uito Tio lohuwatao̒ taluhu ode delomo basi tuwau, tulusi malongulo oa̒ato lo tahidudua̒ o-Lio wau pilohengu-Lio wolo hando u bibiintolo to wohuta-Lio.