Versets bíblics populars de Matius 4

Comparteix

Duma Una wosango wotemo, “Kanaga o Gikimoi Awi Jaji ma Bukuka isilefoka, ‘Nako o bi nyawa gena upa ka cawali o ino so ioho, duma ka cawali o Gikimoi Awi demo la yasigise de yaaka.’ ”

Magena de o Yesus wotemo, “Hiwa, Iblis! Ngosoku ma deda noloda. Sababu kanaga o Bukuka isilefoka, ‘Bilasu nowisuba nanga Jou Gikimoika de cawali Una nowileleani.’ ”

So o Yesus wosango wotemo, “Kanagasi o Bukuka isilefoli komanena, ‘Ani Jou Gikimoi gena upa nowidahake.’ ”

Daboloku de o Gikimoi Awi Gurumi magena o Yesus wingaho o tona ibobeleuka la o Iblis iwibaja la ma ngale o dorouku wisitura. O orasi magena o Yesus gena ma deka o putu moruha de o wange moruha woodowa de woudowa, so dabolo Una wisapika.

Kagena de o Yesus waaso de wotemo onaka, “He! Hino la nimote Ngohi. Nako ngini gena Ngohi aku tinidoto ma ngale ngini o bi nyawa asa niadoto la imote Ngohika, imatero maro o nao niasoma la niatolomu.” Gila-gila ona manga soma yodongosaka, so asa itagi Una iwimoteka.

Ma orasi magena de isikahino o Yesus wodoto wotemo, “He! Nimatoba de nimatoduba la nia dorou niodongosa, sababu o Gikimoi wopareta maro o kolano moi gena he womasidiado.”