Versets bíblics populars de Matius 5

Comparteix

Noa tunne' daete' aha mesa tau la umpau' lampunna mane nasalohko'i baki, ampo' yato lampunna napatokoete' dai' di ongeang ang malängkä' anna malai umballoi yato huäng dasang. Noa tungnga' dio, pepaitaing pano di ingkänna tau kamapiaammu sinnoa mata allo ang umballoi lino, anna malai yato pembabemua' ang mapia la naita ingkänna tau, lambi' la umpamatande sanganna Ambemua' yaho di suruka.”

Dioa' sihapang toukoa'ne' kamabayaang yaling di lino. Ponna aha bohto mahoa' ang ma'ongeang yaho di tanete, ya' yato bohto mahoa' la naita asangngete' ingkänna tau.

Puang Alataala umbehe tau ang masero yaling di inahanna, aka' yato tau la ungngita Puang Alataala.

Puang Alataala umbehe tau ang pemala lolo umbabe kamarohoang, sinnoa tau ang manono anna mahähäng pemala lolo supu mande anna menu', aka' inang la napasanta'i Puang Alataala aka siamo ang napemala.

Ampo' kuoaingkoa'te dinoa: kalemuio ingkänna balimmu anna palauing behe ingkänna tau ang mandahhao

”Puang Alataala umbehe tau ang nasa'ding memase-mase di mendehatanna lambi' supung hannu dai' di Puang Alataala, aka' setonganna diaete' ang la ungngampui Kapahentaanna Puang Alataala.

Puang Alataala umbehe tau ang supung nakärä'i mampasikapiai, aka' yato tau la disangai nei' petauanna.

Puang Alataala umbehe tau ang masuhsa yaling di katuhoanna, aka' sika la napakahanga.

Puang Alataala umbehe tau ang napakauho-uho solana aka' umbabe kamarohoang, aka' yato tau la ungngampui nei' Kapahentaanna Puang Alataala.

Puang Alataala umbehe tau ang marota' pano di solana, aka' yato tau la nakarota'i toe' Puang Alataala.

La nabeheo Puang Alataala ponna aha tau mangngita-ita naungngo anna mandahhao bahtu' napatanda'i tomande'o umbabe ingkänna hupanna kakarakeang aka' untindo'ä'. Penau-nauii yatoo anna kahsio, aka' setonganna daete' aha mallondo sahomu yaho di suruka. Daa untungke'du' ke ahai tau mandahhao, aka' umba sika napanoa undahha senabiang dolu, la napanoa tuntone' nadahhakoa'.”

Puang Alataala umbehe tau ang mahempo' inaha, aka' dianto ang la ungngampui inde lino.

Napatahhi' bumi tula'na Puang Yesus naoatee, ”Dioa' sihapangkoa' sia yaling inde di lino. Ampo' ponna ke dang mäsing yato sia, ya' dante' aha lalang la dipamäsing sala. Supurante' yato sia ditibe anna nasiindä'-indä'i tau aka' dang aha kunanna.

Dahi pahallukoa' ungkalemui asang ingkänna tau dai aha unsehalii, sinnoa Ambemu yaho di suruka ang ungkalemui asang ingkänna tau.”

Ampo' ang pahallu umbabe, dianto ponna inang la ungngoate, ‘io,’ ya' pengngioo. Anna ponna inang la ungngoate, ‘dai’ ya' oaite ‘dai.’ Aka' ponna ke unghängngängngi salake' tula'mu, ya' sule di haorante' mai di Pongkahana setang.”

Napatahhi' bumi tula'na Puang Yesus naoatee, ”Unghingngi tungnga' nei' umba noa pepaturu ang naoatee, ‘Mata pahallu dibala'i mata anna isi pahallu dibala'i isi.’ Ampo' kutula'ingkoa' dinoa: daa umbala' kakarakeang anna kakarakeang. Ampo' diare', ponna aha tau mantampiling pape kuanammu, bea toine' pape kaihimmu natampiling.

Dahi, ponna mata kuanammu mandosaio, ya' kahohe'i yato matammu anna untibei. Aka' dotanne' sambali supu matammu dinoa andana tontongke' aha sibali matammu ampo' la tamao di api nahaka. Noa tunne' ponna teyye kuanammu mandosaio, ya' bose'i yato teyyemu anna untibei. Aka' dotanne' sambali supu teyyemu dinoa andana tontongke' aha sibali teyyemu ampo' la tamao di api nahaka.”