Versets bíblics populars de Yohanes 6

Comparteix

Mentimba'mi Puang Yesus naoatee, ”Kodi'mito indee andeang ang mepatuho. Menna ang sule mampellambi'iä' danne' aha la manono di mendehatanna lambi' sapano-panona; anna menna ang mampetahpa' pano di Kodi' danne' la mahähäng di mendehatanna lambi' sapano-panona.

Setonganna Inaha Maseroetee' ang mebea katuhoang, tadiaete' kamatohoanna hupatau. Ingkänna inde ang kutula' mating di dioa' dianto tula'na Inaha Maserona Puang Alataala anna mala dioatee: tula' ang mepatuho.

Daumpengkähängnga' aka' pemalakoa' supu ullambi' andeang mentolinona ang la puha anna la bosi, ampo' diare' pengkähängkoa' anna malakoa' ullambi' andeang mendehatanna ang dai aha la puhanna anna dai aha la bosi ang la mala mebea katuhoang ang lambi' sapano-panona. Yato andeang Kodi' inde Änä' to Lino ang la mambeakoa', aka' puhamä' nalanti' Ambeku Puang Alataala anna malai yato kubabe.”

Aka' inang dianto indee pangngelo'na Ambeku anna malai ingkänna tau ang puhang ungngita Änä' to Lino anna mampetahpa'i pano la ullambi' katuhoang sapano-panona anna la kupatuho sumule ke lambi'mi katämpä'anna lino.”

Natimba' bung Puang Yesus naoaintee, ”Noa indee pangngelo'na Puang Alataala: dianto pampetahpa'koa' mai di Kodi' ang nasuo mentama inde di lino.”

Ingkänna tau ang inang puhang napama'tantu Puang Alataala la mendahi to pentindo'ku la sika nalumbaä', anna tau yatoo dai la sika kupasule.

Mentimba'mi ta Simon Petrus naoatee, ”O Puang, umba salangkang la kiola? Aka' yato tula'mu dianto tula' ang la mebaha pano di katuhoang sapano-panona.

Kodi'mito indee andeang ang mepatuho ang tuhung yaho mai di suruka. Inde andeang ang kuoaing dianto bale ang sule yaling mai di Kalaeku ang kubea pano di to lino. Kupanoa anna malai ingkänna tau ang mangngande la tuho lambi' sapano-panona.”

Dai aha moi poro la mesa tau ang la mallumbaä' ke dai Kalaena Puang Alataala ang mansuoä' sule mambahaingkä' di hao mai, anna yato tau ang la mallumbaä' la kupatuho sumule ke katämpä'annang lino.

Aka' andeang ang mebea Puang Alataala, tuhung yaho mai di suruka anna dianto yato ang umbea katuhoang pano di to lino.”

Kodi'mito inde andeang ang mepatuho.

Pihsananna ungngalang yato roti Puang Yesus anna ma'kuhhu'sumanga'i dai' di olona Puang Alataala. Mane nasusa-susaing pano di tau mai'di. Yato bau nasusa-susa toe' napasiandeing. Ya' sika mandeing lambi' boho. Tahpana boho yato tau mai'di, ya' ma'tula'mi Puang Yesus pano di pahsikolana naoatee, ”Himpung asangngi ingkänna ang mela'bi. Dauntibeii.”

Tahpana umbai unnung kilomete' sika umbose lopinna umpellei behing le'bo', ya' sika ungngitaranne' Puang Yesus mellao yaho di haho uhai. Ya' sika mahea' liung. Ampo' ma'kara Puang Yesus pano diii naoatee, ”Daummahea'a'! Kodi'ete' indee.”