Versets bíblics populars de MWAMBĨLĨLYO 9

Comparteix

Na Ngai asya, Ũũ nĩw’o ũvano wa ũtianĩo ũla ngũtianĩa katĩ wakwa nenyu na kĩla kĩndũ kĩ thayũ kĩ vamwe nenyu, nzyawa na nzyawa: nyie nĩngwia ũtaathi wakwa ĩthweonĩ, naw’o ũkeethĩwa ũvano wa ũtianĩo katĩ wakwa na nthĩ.

Na ũtaathi ũkeethĩwa ĩthweonĩ; nakwa ngoosisya, nĩ kana nĩlilikanae ũtianĩo wa tene na tene ũla wĩ katĩ wa Ngai na kĩla kyũmbe kĩ thayũ kya mĩĩ yonthe kĩ ĩũlũ wa nthĩ.

Ũla ũketa nthakame ya mũndũ, nthakame yake ĩketwa nĩ mũndũ: nũndũ mũvw’anonĩ wa Ngaĩ nĩwombie mũndũ.

Na Ngai aathima Noa na ana make, na amea, Ongelekai, mwingĩve, na mũyusũsya nthĩ.

Kĩla kĩndũ kĩendaa kĩ thayũ kĩkeethĩwa lĩu kwenyu; o ta nyũnyi nziũ nĩnĩmũnengete syonthe.

Na kũkĩwa kwenyu na kwĩw’ĩwa w’ĩa kwenyũ kũkeethĩwa ĩũlũ wa kĩla nyamũ ya nthĩ, na ĩũlũ wa kĩla nyũnyi ya yayaya; nasyo syonthe ila syusũĩte nthĩ, na makũyũ onthe ma ũkanganĩ, ninenganĩtwe mokonĩ menyu.

Nenyu, ongelekai, mwingĩve; syaanai mũno kũũ nthĩ, na mũyingĩva ĩũlũ wayo.