Versets bíblics populars de मत्ती 23

Comparteix

जो तुस्सा मन्झ बडा हो, से तुस्सा रा सेवक बणे।

जो कोई आपणे आपा जो बडा बणाहंगा, से छोटा कितेया जाणां। होर जो कोई आपणे आपा जो छोटा बणान्घा, से बडा कितेया जाणा।”

“हे पाखंडी व्यवस्था स्खाणे वाल़े, होर फरीसी लोको, तुस्सा जो बौह्त सजा मिलणी! तुस्से पदीने होर सूम्फ होर जीरे रा दस्वांस देहां ऐं। पर तुस्से मूसा री व्यवस्था री जरूरी गल्ला जिहां कि न्याय, दया होर विस्वास छाडी दितिरा। करणा ता एह्ड़ा चहिए था, तुस्सा जो दस्वांस ता देंदे रेहणा चहिए, पर तुस्से व्यवस्था री जरूरी गल्ला जो भी नजरअंदाज करी दे।

“हे पाखंडी व्यवस्था स्खाणे वाल़े, होर फरीसी लोको, तुस्सा जो बौह्त सजा मिलणी! तुस्से तिन्हा भांडेया साहीं ऐ, जो बाहरा ले साफ होर अंदरा ले गंदे। तुस्से लोका साम्हणें आपणे आपा जो ता धर्मी दस्हा ऐं, पर तुस्सा रा मन न्ह्यारे मन्झ आ, होर आपणे आपु पर काबू नी रखदे।

“हे यरुस्लेम सैहर रे लोको, हे यरुस्लेम सैहर रे लोको! तुस्से पैहल्के नबी मारी दिते, होर जो तुस्सा वाले भेजे गये, तिन्हा जो पत्थरवाह कितेया। कितनी बारी मैं चाहेया कि जिहां कुकड़ी आपणे बच्चे जो आपणे फान्खा हेठ कट्ठा करहा ई, तिहां ईं हांऊँ भी तेरे लोका जो बचाऊं, पर तुस्से एह्ड़ा नी चाहेया।

इंहां ईं तुस्से भी तिन्हा कब्रा साहीं ऐं, जेबे लोक तुस्सा जो देख्हा ऐं, स्यों सोच्हा ऐं कि तुस्से धर्मी ऐं, पर अंदरा ले तुस्से पाखंडी होर परमेसरा रे हुक्म नी मनणे रा पाप करहा ऐं।”