Versets bíblics populars de मत्ती 19

Comparteix

यीसूए तिन्हा जो देखी किन्हें, बोल्या, “माह्णुंआं ले ता ये हुई नी सक्दा, पर परमेसरा ले सभ कुछ हुई सक्हा”

एता कठे स्यों ऐबे दो नी, पर एक हूंणे। इधी कठे जेस जो परमेसरे जोड़िरा हो, तेस जो माह्णुं लग नी करहे।

तेबे यीसूए जवाब दितेया, “क्या तुस्से नी पढ़ेया कि, जिन्हें स्यों बणाये, तिन्हें सृस्टी रे सुर्हूआता ले ई स्यों मर्ध होर जनानी बणाई।” “होर बोल्या, ‘एस वजहा ले माह्णुंआं आपणे माऊ-बापू ले लग हुई किन्हें आपणी लाड़ी साउगी रैंह्णां, होर तिन्हा एक ही हूंणां।’”

पर यीसूए बोल्या, “बच्चेया जो मेरे वाले आऊणें देआ, होर इन्हा जो नांह नी करा। क्यूंकि स्वर्गा रा राज एह्ड़े लोका रा आ, जो बच्चे साहीं नम्र ऐं।”

पर बौह्त जो ऐबे खास हुन्घे तिन्हा बादा मन्झ खास नी हूंणां होर जो ऐबे खास नी ऐं तिन्हा बादा खास हूंणां।”

होर जेस केसिए घर-बार या भाई-बैहण या माऊ-बापू या बाल बच्चे या डोर्हीया मेरे चेले हूंणे रे नाते छाडी दितिरे, तिन्हा जो सौ गुणा मिलणा, होर तेस अनंत जिन्दगी रा अधिकारी हूंणां।

यीसूए तेस किन्हें बोल्या, “अगर तू सिद्ध हूंणां चाहां; ता जा, आपणा सभ कुछ बेची किन्हें गरीबा जो बांडी दे, होर आई किन्हें मेरा चेला बण, तेबे तूजो स्वर्गा मन्झ धन मिलणा।”

यीसूए तेस किन्हें बोल्या, “तू मुंजो खरे कामा रे बारे मन्झ किधियो पूछ्हा? खरा ता एक ई आ। पर अगर तू अनंत जिन्दगी मन्झ दाखल हूंणां चाहां, ता हुक्म मन्या कर।”

हांऊँ तुस्सा किन्हें दबारा बोल्हा, ऊंटा रा सुई रे नाके मन्झा ले निकल्ना असान हुई सक्हा पर परमेसरा रे राज्या मन्झ अमीरा रा दाखल हूंणां बौह्त कठण आ।”

होर हांऊँ तुस्सा किन्हें बोल्हा कि, जो कोई व्यभिचारा रे अलावा केसी वजहा ले आपणी लाड़ी जो तलाक देई किन्हें दूजी किन्हें ब्याह करहा, से व्यभिचार करहा। होर जो कोई तेस्सा तलाकसुदा किन्हें ब्याह करहा, से भी व्यभिचार करहा।”

तेबे यीसूए आपणे चेले किन्हें बोल्या, “हांऊँ तुस्सा किन्हें सच्च बोल्हा कि, अमीरा रा स्वर्गा रे राजा मन्झ दाखल हूंणां बौह्त कठण आ।