Versets bíblics populars de Lukas 2

Comparteix

Bagini tu brita: ini hari, Kristus tu Raja yang mo se slamat pa manusia so lahir. Dia da lahir di Betlehem, di kota Daud. Dia itu Tuhan yang mo se slamat pa ngoni dari hukuman dosa.

Mar tu malaekat itu bilang pa dorang, “Ngoni jang tako! Soalnya kita datang kamari for kase tau pa ngoni satu brita yang bae. Tu brita ini mo beking samua orang snang.

“Puji deng hormat jo pa Tuhan Allah yang ada di sorga! Kong di bumi, Tuhan Allah kase damai sejahtra pa tu orang-orang yang Dia snang.”

Yesus lebe tamba basar, lebe mangarti banya hal, deng Tuhan Allah lebe tamba sayang pa Dia, bagitu lei deng orang-orang lebe tamba sayang pa Dia.

Ini de pe tanda supaya ngoni dapa kanal pa tu bayi itu: ngoni nanti mo lia satu bayi yang da bungkus deng kaeng. Tu bayi itu da se tidor di tampa makang binatang.”

Waktu malam, ada bebrapa gembala yang da tinggal di padang rumpu di luar Betlehem, dorang da jaga tu dong pe kambing deng domba. Kong kage-kage satu dari Tuhan Allah pe malaekat batunjung pa dorang. Tu Tuhan Allah pe cahaya yang trang skali basinar tutu pa dorang, kong dorang so tako skali.