Versets bíblics populars de Yohanes 12

Comparteix

Sapa jo tu da jadi orang yang ja beking tu Kita da suru, dia itu musti iko pa Kita kong di mana jo Kita ada, di situ lei dia musti ada. Sapa jo yang ja beking tu Kita da suru, dia itu mo dapa hormat dari pa Bapa.”

Bagitu lei deng ngoni, sapa tu hidop cuma for de pe diri sandiri, so dia yang nyanda mo dapa hidop kekal. Mar sapa yang kase tu dia pe hidop di dunia ini lantaran iko pa Kita, dia itu mo dapa hidop kekal.

Kita bilang pa ngoni, kalu bibit gandum nyanda da se tanang di tana, tu bibit itu cuma satu kong bole mo bilang sama deng so mati. Mar kalu tu bibit itu da se tanang di tana, tu satu bibit itu bole mo batumbu kong babua banya.

Kita ini datang ka dunia ini sbagai trang, supaya sapa jo yang percaya pa Kita, dia itu so nyanda lei mo hidop di dalam glap.

Kalu orang dengar tu Kita pe ajaran mar dia nyanda beking itu, Kita nyanda mo hakimi pa dia. Soalnya Kita datang bukang for mo hakimi orang-orang yang ada di dunia, mar Kita datang for mo se slamat pa dorang.

Waktu dorang samantara bamakang, Maria ambe stenga liter minya wangi asli tu de pe nama narwastu, tu minya yang de pe harga mahal skali. Kong dia se sirang tu minya wangi itu di kaki pa Yesus, trus dia seka Yesus pe kaki deng de pe rambu. Kong tu minya wangi itu pe bobou wangi dapa ciong di sluru ruma itu.

Tu orang banya itu ambe daong-daong palem, trus pi sambut pa Yesus kong babilang deng suara kuat, “Hosana! Puji jo pa Dia yang da datang dalam nama Tuhan. Dia itu bangsa Israel pe Raja!”

Kong Yesus bilang pa dorang, “So sampe de pe waktu Tuhan Allah mo se tunjung tu Anak Manusia pe luar biasa.