Versets bíblics populars de Matta 6

Comparteix

Kəl ja, hya ghəya gwa'a təlkur nyi tangərma ana hya ngya ku tsa'atsa'akur, dəhə alenya sə'ingə cho nə hi.

Aka əngə ja, ngwa hya da ɗəngha təkəra zəkə wa, aka zəkə kwa shili tsa'a na ɓwaɓwatə nyi. Ɓwaɓwatə nda ənya, a njitə ka ənya.

“Aka əngə yo nar hi, ngwa hya da ɗəngha təkəra ngya kəhi, sərsum nda hyo səma, ndara sə nda hyo sa, ndara dza hi ana dzaki nda hyo pəndzə wa. A pi da ndiya sərsum ma? Aa kumər dzə da ndiya dzaki nda hyo pəndzə ma?

Kəl ja, ma ko pətlənya, gwa tanghə ku vi ngha, ka haɗiya nyavi, ka pətlənya nə Ada nghə nda pa'a njo la'a. Ada nghə nda kwa la'a sənda tə ɗəuwa kwa nənghə wazəba.

“Aka ənga, janə ənda hyo kina pətlənya. ‘Adan ea nda kya huɗamələm, tləm nghə karti. Təlkur ngha shili, sənda ko i, nja mər tə dunəya, wi nda njo mər kya huɗamələm.

Ka nə ea sərsum ɓupəchi nə ənya.

Ka farbikə kəea, wi nda ea kwa farbikər nji'inda kwa zandə ea səu.

Ngwa ka da ngya ea ea gwa ku sərmbukə wa, kəl nda ka dləuya ea tsa sərtakəu.’

“Aka ma hya farbikər nji'inda zandə hi səu, Adanə hi nda kya huɗamələm tsəu kwa farbikə kəhi.

Ndzamar ma eakəu, a nda kwa tləka wa, ya a nda kwa mər wa, ya val da tsa nda wa, ya Adanə hi nda kya huɗamələm kwa nənda sərsuma. A da hya ndiya nda na səli ma?

“Ngwa hya da tsəm gəna nə kərnəhi tə dunəya tangnda kətla ndara vuyavuya kwa səwandi, njir həl tsəu kwa gwa həltə wa. A təvəra ənga, hya tsəmtə gəna nə kərnəhi kya huɗamələm, tangnda kətla ndara vuyavuya da kwa səwandə wa, ya njir həl da kwa nau gwa həltə wa. Aka mbwa nda gəna ndə ti tangnda ɗufwa cha tsə'u.

“A ndə da kwa nau mər mavakur nə tlakə mətlə wa. Kəl nda cha ngyar vanyi cha i vanyi, ndara cha nəu zhang na jiri cha həyatə zhang. Ya a laku da hya kwa nau fətə ɗufwa hi tə sənda nə Hyel ana gəna tsa'a kya'a wa.

Na hi njir kushir jiri, macha Hyel kwa pəndzə nyi dzaki gumaguma nə ma'a jigwal takəu, nda ənya a da nda, əzəkə nginda tənji ya, abiyakata nahi ya?

Kəl ja, ma ko nənyi ga'a nə ndər tari, ngwa ka i vanya ndə la'a wa, ka mər tə ɗəuwa, ya Adan nghə nda kwa la'a dəhə sə nda tə ɗəwa, kwa nə nghə wazəba.

“Gəla ma, ngwa hya da mər mənakəkur ka ga hya uya fal tsa nji wa, ma hya mər ənga a da hyo uya wazəba tsa Adanə hi nda kya huɗamələm wa.

“Ma hyo səmdzən, ngwa hya da ndəkutə huɗəma hi wi ngə nji dəmən ingə kwa mər wa. Nda kwa ndəkutə huɗəma nda ga nda char nyi nə nji ənda nda kwa səmdzən. Jiri yo nar hi, a wurtə nda dləutsə wazəba kənda. Kəl ja, ma ko səmdzən, ka chinda maka, ka ɓəsəu mal ku kəra ka, tsa nja nda zəndə nda ko səmdzən, Adanə hi nda pa'a nja kwa la'a, nda kwa la'a sənda hya kwa mər tə ɗəuwa kwa nə hi wazəba.