Versets bíblics populars de LUCAS 24

Comparteix

Ricuichi, ñuca Taita cangunaman ninan ushaita carashapachami nishcataca, ñucami cangunapaj jahuapi cachamusha. Ashtahuangarin jahua pachamanda chai ushaita cangunaman caramungacaman, Jerusalén pueblopi shuyanguichi— nijurcami.

Paica na caipichu, ñami causarishca. Galilea llactapi cangunahuan purijushpa, cashna villashcataca yaripaichiyari

Shina carajpimi, paicunapaj ñavica pascarinshna ricushpa, Jesús cajta rijsinajurca. Ashtahuangarin Jesusca, paicunapaj ñavimanda ñapash chingarcallami. Shina chingajpimi, caishuj chaishuj cashna ninajurca: —¿Nachu Dios escribichishca Shimiguta ñucanchiman villashpandi shamujushpaca, ñucanchi shungupi aligutapacha yarijta rimarca?— ninajurcami.

Paicunataca cashnami nijurca: —Escribishcapica, chashnapacha tucunatami villajun. Chashna villajushcashnami, Quishpichij Cristoca huañuchi tucushpa quimsa punllahuanga, huañushcacunapaj chaupimanda causarina. Chai jipaca, Jerusalenmanda callarishpa, tucui llactacunapi causajcunaman, paipaj shutipi cashna villachunmi, paica cachanga: ‘Ninanda llaquirishpa, Taita Diospajman tigrarichi. Shina rurajpica, Taita Diosmi cangunapaj juchacunata anchuchinga’ nijunmi.

Paicuna chayashpaca, utujuta jarcashca rumita suchuchishcatami tupagrirca. Utujuman paicuna yaicushpaca, Apunchi Jesús huañushcagutaca na tarircachu.