Versets bíblics populars de Emiighom 1

Comparteix

Kụ Ẹnaan ẹḅem mọ, “Nyịidipho yira kọlem weye ọkighima loor ayira. Bịdi kọtooghi ghan rạraar ọto ọngo ina phọ rꞌịnun phọ rꞌịnam mọ, ịlo elegheḍum rꞌologhi otu, rꞌịlo ẹmoogh ḍiphooghu, ịbam rꞌigbogh.” Kụ Ẹnaan ẹlhem weye ẹghighima loor phọ ọdi. Ịdipho Ẹnaan edi bọ kụ ịdi ẹtuugh bọ ẹlhem oye. Ẹnaan ịlhem bịdi elephiri rꞌẹya.

Ẹnaan ịseph ni bịdi ẹḅeni mọ, “Ịmaraghian emuzeḍi pịdi ẹemara ẹemara anyina orugh oleeny oomo ade phọ kụ ọmoogh ịto. Mị rịngo inyina ịnyaam ọto ọngo ina ọphiiny phọ rꞌịnun okuaḍio phọ rꞌoomo ịnam mọ edi bọ sịen aḅirini phọ.”

Emiighom mọ, Ẹnaan ịlhem ni kẹ phọ rꞌade phọ.

Ade phọ ịrol li bịn ịyaar ị́tol. Ọphiiny ạbazi phọ ratuḅuḍian ghan bọ kụ aakpereghiom bọ oomo ạraraar phọ, ạrol rꞌufiri kụ Uwaloor phọ Ẹnaan arelhe aaghironom sịphe ạnyu ạmuum mọ.

Kụ Ẹnaan ẹḅem mọ, “Mị ạto mọ ạḍiḅaal emite,” bịn ạḍiḅaal emite.

Ẹnaan iphogh ni oomo ạraraar phọ ịpe ọdi ạlhem bọ kụ ẹḅeeraan nyọdi iboom. Adulhe phọ rꞌạḍiroor phọ kụ iḍighi ḍio dị emuneniom odiiny.

Kụ ẹḅeeraan Ẹnaan ịpe ọdi ạmiin bọ, kụ ọdi ạgbatan ḍịḅaal phọ esi ufiri phọ.

Kụ Ẹnaan ẹḅem mọ, “Mị mạsighe ịizupha ịpe ẹmoogh bọ ikpo phọ rꞌoomo ireeny phọ ịpe remuum bọ rughuuny ịngo inyina mọ eḍighi eḍien olhe

Ẹnaan ighol li ḍịḅaal phọ mọ Ootaany, kụ eghol ufiri phọ mọ Aḍughul. Adulhe phọ rꞌạḍiroor phọ kụ iḍighi ḍịḅel aḍio.

Kụ Ẹnaan ẹḅem mọ, “Mị ạto mọ ọku ạrol adiemi rụmuum mọ ịyal ariisi.” Kụ ẹtuugh ịdipho eḍighi. Kụ Ẹnaan ẹgbarion rụmuum mọ, mụen ude phọ rꞌạmuphe ạnyu phọ.

ạḅile kẹn ạsighe rọogho rꞌạrinya ireeny ạngo oomo ịnam rꞌịnun rꞌịpe ẹmoogh bọ ḍiphooghu sịen aḅirini phọ mọ eḍighi eḍien olhe ạbidi.” Kụ ẹtuugh ịdipho phọ eḍighi.

Kụ Ẹnaan ẹḅem mọ, “Mị ạto mọ ịtozi emite ẹpe kꞌạke phọ ẹgbatan ootaany phọ esi aḍughul phọ ẹḅile eḍeenaan ghan mem lọ asiḍughul-otu, rꞌạsia rꞌạrayaal kemiigh ghan

Kụ Ẹnaan ẹḅem mọ, “Mị ạto mọ ade phọ emiteghom ịdo kịrokiro ạroogho, rꞌịizupha dị kemuum rughuuny, rꞌireeny dị kemuum iimuma,” kụ ẹtuugh ịdipho phọ eḍighi.

Kụ Ẹnaan ẹḅem mọ, “Mị ạto mọ ọku ạrol adiemi rụmuum mọ ịyal ariisi.” Kụ ẹtuugh ịdipho eḍighi. Kụ Ẹnaan ẹgbarion rụmuum mọ, mụen ude phọ rꞌạmuphe ạnyu phọ.

Kụ ade phọ imiteghom ni ịdo kịrokiro ạroogho rꞌịizupha rꞌarughuuny. Kụ ẹḅeeraan Ẹnaan ịpe ọdi ạmiin bọ.

Ẹnaan ẹlhem ịyal igbogh ịtozi, erumuḍio phọ ẹda ootaany ḅịle ụnwanyu phọ ạda ḍughul. Ọdi ạḅile kẹn ni ạlhem rạanaan.

Kụ Ẹnaan ẹḅem mọ, “Mị ạto mọ ạmuum mọ odi bọ ẹphen ude okuaḍio phọ aakpomoghan eniin esi pịdi ạḍigharaghar ade amite,” kụ ẹtuugh ịdipho eḍighi. Ẹnaan eghol ọgharaghar ude phọ mọ Ade; ẹḅile eghol rụmuum mọ aakpomoghan bọ mọ Ọphiiny. Kụ ẹḅeeraan Ẹnaan ịpe ọdi ạmiin bọ.

Ẹnaan ịseph ni oomo phọ ạbidi kụ ẹḅeni ịpe erugh bọ ụmuum mọ mꞌịmaraghian emuzeḍi ọphiiny phọ; ẹḅile ẹḅeni ịnun phọ mọ ịmaraghian emuzeḍi aḅirini phọ.

Kụ Ẹnaan ẹḅem mọ, “Mị ạto mọ ade phọ emiteghom ịdo kịrokiro ạraraar dị ẹmoogh ghuḍum: ịnam kịrokiro, ịlo elegheḍum rꞌologhi otu, rꞌịlo rekuura, ịbam rꞌigbogh.” Kụ ẹtuugh ịdipho phọ eḍighi.

Kụ Ẹnaan ẹḅem mọ, “Mị ạto mọ ịdo kịrokiro ạraraar dị ẹmoogh ḍiphooghu emuza erugh sịen ạmuum mọ, ḅịle mọ ịnun emuza ẹphepheghuan ghan ẹpe okuaḍio phọ.”

Kụ Ẹnaan ẹlhem oomo phọ ạbidi kụ ẹḅeeraan nyọdi ịpe ọdi ạmiin bọ.