Versets bíblics populars de Ala Kalɔ Buse 2

Comparteix

Ɔmɛni ɔsu na ɔnana ɔdubɔmami ɔti ku uni lɛlɔ na uti lɛlɔ utámana ulekudi lɛlɔ. Na bana inyɔ badubɔbla ɔlɔna unwi.

Ɔmmɔ kama ni, Katɔti ɔ́su ɔnini, “Ɔɔɔdia si ɔnana lɛti ɔkya. Ndubɔbla ubunkune ɔni námanku-nwu lite-nwu.”

Unwoti Katɔti ɔ́vɔ ukyuli ɔ́lɛku kalɔ kammɔ lɛti kemmo. Na ɔ́nwuna ɔƒɛƒɛɛ ɔni muute ngba ɔ́kya ukyuli ɔmmɔ enwu kemmo aani ɔyawine.

Mmɔ ni, ɔnana ɔmmɔ ɔ́su ɔnini, “Likubi lɛmɛni lɛ́si mina ekubi kemmo. Na ɔlɔna ɔmɛni ɔ́si mina ɔlɔna kemmo. Ndubɔlɔ-nwu nnii uleku. Ɔsika ɔnana kemmo na bédie-nwu bálɛku.”

Na limeyi lɛmmɔ lɛdanku kusɛ kusɛ na lise kedee ka ɔ́ƒuna-ni úse ɔsu. Ɔsika limeyi lɛmɛni lɛlɔ na ɔ́nwuna ɔni na údie ala ƒui ɔ́wɔlɔ.

Na uwi ɔmɛni kemmo ni, ɔnana ku uleku ɔmmɔ beli kasɔngya ɔni na kɔƒa kɔdi kulekpo-ma.