Versets bíblics populars de Sɑn 5

Comparteix

«Bɑlmɔni e k n yien’i nɑ, dɑɑnɔ nbɑ gbɑt n mɑɑn nɑ, k biɑ tien wun nbɑ tun’n nɑ yɑdɑ, ŋuɑ e mɔk mɑnfuol nbɑ kɑɑ gbennu, k Yennu kɑn bu u buut k biil’ɔ. U biɑ ponŋ nyii kuun nuu ni wɑɑ, k be mɑnfuol mɑnŋ ni e.

K Yiesu tɑn bɑɑl lɑ k u duɑ l buol, k bɑnn nɑn juɑ mɑnŋ yiɑlu wei wɑɑ, k u boi’ɔ: «A luon k ɑ lɑ lɑɑfiɑ ɑɑ?»

«Tɔn, i lek tuu lii Yennu lolkpel kɑdɑɑɔk nɑ, k mɑɑn i tuu duki mi ɑ mɑnfuol nbɑ kɑɑ gbennu be lenŋ e, k Yennu lolkpel kɑdɑɑɔk mɑnŋ wɑnt n po, ŋɑɑn k i lek yet nɑn k i bɑɑl n penŋ k n tul’i mɑnfuol mɑnŋ.

K Yiesu yet’ɔ: «Fiit, k jii ɑ duɑnu kii sonm.» L tɑɑkpɑɑk ni k juɑ nɑ pɑɑk, k fiil k jii u duɑnu k sonm sɑɑ. Dɑɑl nbɑ k juɑ nɑ din lɑ lɑɑfiɑ nɑ din tie *Fuondɑɑl e.

Ŋɑnn e k Yiesu jiin k yet’b ɑ: «Bɑlmɔni e k n yien’i nɑ, Yennu Bijɑ k fit tuun siɑl u kuukuɑ. U lɑɑt u Bɑɑ nbɑ tuun lin nbɑ e, k mun tuun. Lin nbɑ kul k Bɑɑ mɑnŋ tuun nɑ, u Bijɑ mun tuun ŋɑnn e.