Versets bíblics populars de Tuk 17

Comparteix

Mëë ci Ab-ram tekɛ run ti jiɛn bäŋuan wi̱cdiɛn bäŋuan, cu Kuoth Nhial rɔ nyuɔ̱th jɛ kä cuɛ jɛ jiök i̱, “Ɛ ɣän Kuoth in le̱ny buɔ̱mdɛ ti diaal. Liŋ ruaacnikä kä lätni ni min la thuɔ̱k.

/Ca ji̱ bi nyɔk kɛ ciöt i̱ Ab-ram, ciötdu ba ni A-bɛ-ram, kɛ ɣöö cä ji̱ jak kä gua̱ndɔɔŋ dööri ti ŋuan.

Bä gukdä yiath piny kɔnɛ ji̱ amäni kuayku kɛ ri̱c diaal tɔ̱ bi ben tɔ̱ ala guk ruac mi do̱raar ɛn ɣöö bä la Kuothdu yɛnɛ kɛ.

“Mɛmɛ ɛ jɛn gukdä kɛ ji̱. Bi ji̱n a gua̱n dööri ti nyin ŋuan.

Kä cu Kuoth ɛ loc i̱, “Aal, niɛ ciekdu ni Thara bɛ ji̱ da̱p gat, kä bi ciötdɛ cɔli Ay-dhɛk (min lot ni ɣöö dɔlɛ jɛ). Bä gukdä yiath piny kɔnɛ jɛ amäni kuaykɛ bä, ala guk ruac mi do̱raar.

Ɛn wec Kɛ-naan ɛ lapi jääl thi̱n ɛ, ni kɛɛliwdɛ bä jɛ ka̱m ji̱ yɛnɛ kuayku, kɛ ri̱c diaal tɔ̱ bi ben tɔ̱, ala duŋdiɛn amäni cäŋ kɛl. Kä bä cua̱ Kuothdiɛn.”

Mëë liŋ A-bɛ-ram nɔmɔ cuɛ wi̱cdɛ lɛni guɔ̱l piny, kä jɛn cuɛ to̱k dɔl kɛ lɔcdɛ caarɛ jɛ i̱, “Derɛ a thuɔ̱k a dëë ram mi tekɛ run ti kuɔ̱r kɛl gat dhil di̱eth? Thara ŋot dapä kä tëë kɛ run kä dëël ti jiɛn bäŋuan?”

Cuɛ jɛ lɛni jiök i̱, “Täämɛ, kɛ kui̱ ciëkdu ni Tha-ray /ca jɛ bi nyɔk kɛ ciöt i̱ Tha-ray, kä bɛ la ni Thara (min lot ni ɣöö nya kua̱r in di̱i̱t).

Ba yɛ dhil cuɛl yɛn diaal kä bi nɔmɔ a nyuuth gukädan amäni cäŋ kɛl.

Kä min te ni jɛn thi̱n, gukdä bä jɛ yiath piny kɔnɛ Ay-dhɛk in bi Thara jɛ da̱p ji̱ ithaar cɔ̱tdä nɛ.”

Yɛn bia dhɔl in tekɛ ni̱n bädäk däpä cuɛl, matdiɛn amäni gaat kuaanyni tin ca dap rɛy dho̱rikun kɛnɛ ja̱a̱ŋkun tin kɔk yɛn kɛ kɛ yio̱o̱kun. Di̱elɛ kɛ cuël kɛn diaal amäni kuaany. Kɛ ɣöö bi gukdä kɛ yɛ la nyuth mi do̱raar.