Versets bíblics populars de Mt 23

Comparteix

Tumchê bhitorlo konn vhôdd to tumcho sevôk zauncho.

Apnnankuch unch kaddtat tankam Dev khala uddoitolo ani apunnuch khaltim zatat tankam Dev unch kaddtolo.”

Ddhongeam dhormxastreamnô ani Farizevamnô, kottakotta tumchem! Hortelanv, boddixêp ani jirem, osleancho dhavo vantto tumi Devak mhonn farik kortat, punn Somurtintle odik molache kaide, mhonngê neainit, doia ani visvaxiponn, he tumi soddun dileat. Te her bhairainastana tumi he poile pallche asle.

Ddhongeam dhormxastreamnô ani Farizevamnô, kottakotta tumchem! Tôr patra ani tatta bhailean asa tem tumi nitoll kortat ani bhitorlean dusreakoddchem apleak zai tem bollan kaddun gheupa ani apleak zai titleanthuim meklleponnan dadosponn gheupa-axen bhòrlele asat tumi.

Jeruzalea, Jeruzalea! Tum provadeank jivexim martai ani tujê thãi dhaddleleank fatraitai! Zoxem kombi apleam paktteam tolla apleam pilank ektthãi korta, toxem kitlê pavtti mhonn tujeam bhurgeank ektthaunk Hanvem sôdlem, punn tem tumkam naka zalem!

Têch porim tumi-i bhailean lokak promannik distat khore, punn bhitorlean tumi ddhongeponnan ani khotteponnan bhòrlole asat.