Versets bíblics populars de Jòvánì 1

Comparteix

Kpêtí ká énò, yí giì je wotí bà gì tí ndâ ꞌviì mì Mbíṛì ji ndâ mbe si yí tí i, mbe tee njembí ndú mítí wó nó gî.

Có táánò sàà kuu tí  á kùṛo o bà suu to tí nô; có táánò kû dù a i mì ndú ta Mbíṛì. Có ꞌdo sàà táánò káa Mbíṛì.

tí ngbaꞌo ŋìnó mbe tùngbaà gbí ꞌdíꞌdiꞌo, tí ngbaꞌo ŋìnó náa ꞌdíꞌdiꞌo kpò yí lá.

Có táánò gì tí ꞌduù go ndoo, bìndi  yí giì ꞌvala gbí òkò tí ndoo muu to tí nó, tí gbolò mbe nambeè, delè tí gbolò mbe ꞌdè yúcó. Ze táánò ŋò ŋa bà tòngbaà mì wó, tí ngba gbèe ꞌViì-mì-Mbíṛì ta ꞌbí ŋa ꞌviì go yí mì Bu wó wálá gî.

Wotí bà suu ndâ i táánò ꞌdáá gî a i ꞌbì Có; ꞌbí i gbaànjé táánò mbe bàkà tí muu to tí nó á kapí ṛo Có nò wálá. Có táánò a ṛèngbó ꞌválá; ꞌválá tí nò mì Có nò táánò a ngbaꞌo ji ndâ ꞌduù ꞌdáá gî

Jòvánì mâ giì zekeꞌo ta ꞌbí yé á bìndi bà ꞌdè nje mì ndú ta ndâ bu-Mbíṛì mì ndâ Jùdéyà nò, yí giì ŋò Jézù kèjì gí mì wó. Bìndi  yí giì tùbà tí Jézù ji ndâ ꞌduù máa, «Yo ŋò ꞌViì-rómbo-mì-Mbíṛì, tí mbe toṛo ndâ vò i ꞌdo muu to tí nó, zô!

Yí táánò kuu muu to tí nô, to tí nó náa Mbíṛì táánò je wotí ji yí bìndi  yí giì suu nô, káa ndâ ꞌduù muu to tí nó táánò ꞌdáá gî ŋò yí ni lá. Yí táánò gì gí ꞌdóó ꞌbá mì ndú, káa ndâ ꞌdóó-ꞌdòò nambe wó si yí tí i lá.

Có táánò, tí cèe Ngbaꞌo mbe njaanga muu ndâ ꞌduù ꞌdáá gî nó kpokèjì.

Mbíṛì táánò tuu a Mòze ta ndâ có mì wó ji ndâ ꞌduù, bìndi  yí giì tuu a Có tí Jézù, tí Bìndi wó tí Mbíṛì gí bà bàkà nambeè ji ndâ ꞌduù, delè gí bà ꞌdè yúcó ji ndâ ꞌduù ꞌdáá gî.