Versets bíblics populars de San Mateo 15

Comparteix

Ichanga shongunchru yarpangancunatam runa riman. Lutan rimangancunam runata juchäcachin. Runapa shongunpita lutan yarpaycuna yargamuptinmi wañuchin, majayog caycar majanwannuy jucwan puñucun, manaräpis casaracur majanwannuy puñucun, suwacun, casquicun y jucpa washanta riman.

Manam shiminpa yaycunganchu runata juchäcachin, sinöga shiminpa yargamunganmi runata juchäcachin”.

‘Cay runacunaga shimilanpam respitäpäcaman; shongunchrüga juctam yarparcaycan. Adoräpäcamanganpis imapäpis manam välinchu. Yachrachipäcun “Cayga Diospa yachrachicuyninmi” nir. Yachrachingancunaga runacunapa mandamientulanmi’ ”.

Chauraga warmita Jesús niran: “¡Rasunpam lapan shonguyquipa yäracaramänayqui! Chaymi yäracamangayquinuyla munangayqui cachun”. Chay hörapitanam chay warmipa wamran alina ricacuran.

Niptinmi chay warmi Jesuspa ñaupagninman gongurpacuycur niran: “¡Tayta, cuyapaycalämay!” Chauraga Jesús niran: “Manam alichu canman wamracunata micuyninta guechrurir alguta garaycuptin. Chaynuypis manam alichu canman Israel runacunata cuyapänäpa truquinga gamta cuyapaptï”. Warmina niran: “Au, tayta. Algupis micunmi dueñun mësachru micuptin pampaman micuy shicwangantaga”.