Versets bíblics populars de Luc 8

Comparteix

Nga kusu b'o gua asie kpafue'n su'n, yele bé nga bé sié bé su Nyanmien nde'n su bé ti, bé wun i wle, bé fa su kpa'n. Bé ye bé ti awié b'o yôô kpa nion.

Nga kusu b'o too nduin mma'n nun'n, yele bé nga bé ti Nyanmien nde'n, sannge ke bé ko'n, men'n nun ninngé'n i ngôkôe'n nin anyanbéun'n nin liké nga bé klô bé'n bé mian bé. Bé ye bé ti awié bo nduin trelii bo wa yô'a kpa nion.

Nga kusu b'o too akpue'n su'n yele bé nga ke bé ti Nyanmien nde'n bé klun dyo su, bé fa su kaan, sannge bé ti ke awié b'o le'a ndin'n sa, ke sa kaan to bé su'n, kpekuun ba yatyi.

Ye o usa bé ke: ?Nzu ti ye an lafi'a n suo? Sre kun bé, o bô bé nuan, nan ba usa bé wiéngu ke: ?Bian nga ti i lie se, b'o man o sé aunngban'n nin nzué'n ke bé dyran'n, bé dyraan?

Awié ng'o too atin mma'n nun'n, yele bé nga ke bé ti Nyanmien nde'n, kpekuun mmusu'm bé si Satan'n ba, o wa yô man nde nga bé tili'n o mlin bé klun, nan ba lafi'a su, ba nya'an bé ti'n.

Afin sa fi su ka'a nvialie nun b'o su te'a nglôo, ye aswré nun nde fi su ka'a le b'o su fité'a suo.

Ke bla'n wun ke Jésus wunniin'n, o bee i nyrun le nin aunwusue, o kôtô i bô, o kan sa nga ti ye o kenniin'n, o nin dyuédyué ng'o yôli i ôsu kunngba'n nun'n, i kwlaa kléé swran mun. Jésus séé i ke: N wa, n su bo a lafi'n ti, a nyon o ti, guo o wla asé, ko.

Bé wunngé Jésus wun le, bé tinngélii, bé sé i ke: Baba, Baba, é su wo ô! Ke o tinngéli'n, o idyo aunngban'n nin nzué'n, bé dyrannin, nan lika'n wa to bliin.