Versets bíblics populars de Luc 6

Comparteix

Anh tye swran liké, ye Nyanmien kusu oh tyeh amun wié, oh manh amun kpanngban ke liké bo bé su, bé tintin su, bé kédyékédyé, o yi bu gua'n sa, afin sulie nga an su nun man swran wié mun'n, i kunngba'n nun ye Nyanmien suh nun man amuon.

Swran kpa'n o yi liké kpakpa b'o ô i awlen b'o ti ke betro sa'n nun, swran te'n kusu yi liké tete i betro'n nun, afin nde kwlaa ng'o ô swran i awlen'n nun'n, ye o fité i nuaan.

Sannge anh klô amun kpofue mun, anh yô bé yé, anh bô swran bôsia, nanh an fa amun nyin sié su ke bé yi man amun. Se an yô so'n, béh yôh amun mô dan, ye amunh katyih Nyanmien Kpli bo liké fi nu'en i sin'n, i wa, afin o yô bé nga bé si'a yé'n, o nin klunwifue'm bé yé.

Anh si aunnvue, ke amun Si kusu si aunnvue'n sa.

Nanh an kan swran wun nde, ye Nyanmien su ka'an amun wun nde, nanh an bu swran fo, ye Nyanmien su bu'a amun fo, anh yatyi sa nga bé yô amun'n tye, ye Nyanmien kusu oh yatyih amun lie'n tye amuon.

Sannge nh kanh klé amun bo an tié min nde'n ke, bé nga bé nin amun kun'n, anh klô bé, bé nga bé kpo amun'n, anh yô bé kpa. Bé nga bé wua amun amuen'n, anh yra amun nuan man bé, ye bé nga bé yô amun tete'n, anh sre Nyanmien ke o yô kpa man bé.

Liké nga an klô ke swran yô man amun'n, anh yô i wunsu man bé.

Se swran wié kpatyi o nyrun'n, katyi i bué kun'n men. Se swran wié dé o kôndrô'n, nanh sé i ke, nanh mon o kô fo o tralefue'n. Swran kwlaa ng'o sre o liké'n, fa men, se swran wié fa liké o sa nun'n, nanh ko i sin ke o fa man o.

Waka kpa'n o su'a mma tete, ye waka b'o ti'a kpa'n, o su'a mma kpakpa.

Afin ke waka kun ti'n, ye i mma'n tio. Bé ti'a blofue aloma lôlô su, ye bé ti'a lômin aintonman su.