Versets bíblics populars de Luc 22

Comparteix

N Si, se o ti o klun su'n, man nyrennen wié nga tô fuan min! Sannge nanh yô nga n klô ke o yô su'n, sannge yô nga a klô ke ah yôéh su'n.

Sannge n kan o nde kléé Nyanmien ke n su bo a lafi'n, nanh man a kponzo. O kusu se a katyi'n, wlo o niaan'm bé fanngan.

I sin o fa kpaun, ke o laa Nyanmien asé'n, o bubu nun fa maan bé, o sé ke: Kpaun ng'o ô ye'n ti min wunnen, [amun ti ye n su fa maan. Anh yôé ke nga n yôé ye'n sa, man amun wla kpen n su.

Ke bé wiéé liké'n di'n, o fa klôwa'n maan bé, o sé ke: Liké ng'o ô klôwa nga nun'n, o ti min mmôdya b'o man amun nin Nyanmien amunh dih anuanse ufle, amun ti ye bé su wa gue i aséo.]

Ke i awlabôe'n yôh dan'n, o mien i nyin kan nde klé Nyanmien tyinndyin kpa, nvufle kpa'n tui pataa, o katyi ke mmôdya sa, o gua srôsrôsrôsrô.]

Amun lie'n su yô'a so, sannge man amun nun swran ng'o ti dan'n, o yô i wun ke amun nun bakan sa, ye man swran ng'o sié swran'n, o yô i wun ke dyunman difue sa.

Ye Jésus sé ke: Pierre, nanwle kpa'n, ndeken se a nian sé'a ke a si'a min so kpen nsan'n, ako nyinman'n su bôman.