Versets bíblics populars de Mbụlembu 27

Comparteix

Tẹ Ojejoje mekwaa tẹ igwe chịjeru ngu mini; Yo mekwaaphu ẹke, i meberu iphe t'o mehujeru ngu. T'o mee t'i nweru nri; nweru mẹe; nweru k'etsushi iya. Tẹ iphe bụ mbakeshi jejeru ngu ozi; iphe, bụ ọha, nọnu ebyijeru ngu ikpere! T'ọ bụru nggụbedua a-bụru nnajiufu unwunne ngu phẹ; unwunne ngu phẹ ebyijeru ngu ikpere! Iphe, bụ onye tụru ngu ọnu bụakwa onye a tụru ọnu; onye gọru ngu ọnu abụru onye a gọru ọnu!”

Ịso asụ iya: “L'ọ bụlephu Jékọpu ono, a gụru iya ono bẹ gbaru iya nụ. ?Ọwaa te kweedua ugbo ẹbo, o kputaru iya. Ọ nataru iya ọgurenya, ya bụ. Nta-a b'ọ byawaru bya anatafụa ya ọnu, a ga agọru iya.” Yo kfutsua ẹge ono bya ajị nna iya ono: “?To nwekpodua nwọnu ọphu phọduru nụ, ị gọru iya tọo?”

Nna iya mbụ Áyizaku asụ iya: “Ẹke ii-bu bẹ bụ alị ẹke, ẹ-te emehujedu iphe; ẹke mini ta achịduru ngu. Ọ bụ ogu-mbeke bẹ ii-gude buru; nwunne ngu bẹ ịi-nọdu agbaru mbọyi. Obenu lẹ teke ọ wataru ngu ọtsu l'ẹhu; bẹ ii-kwefuru iya íkè; nggu l'iya ebukahu.”

Ị́so asụ nna iya ono: “Nna; ?bụlephu ọnu-ọma lanụ b'i nweru kpụ? Nna; gọnuaru iya ọnu nk'iya!” Ịso awata ẹkwa.