Versets bíblics populars de LUKAQ 19

Comparteix

Maiq Se saükitaq kriika, akha amo amii arki maiqse thun kra ritkai nai atiichhiike kai saükito.”

“Shiikeawe le, Tati mang na hokham we kitlaq kiima achu shiiman kuq laq! Ramungtan na khu asang mirlaq! Kiimaq Shiikeawe khushü kli mijong laq!” nguta arii ariiq she wawanto.

Kiijiishe, Jesuq raq tsangshiq ma chongto, “Ümchaü ranaiq Shiikeawe raq ara jamkun ara chhii wanto she. Ara jamkhano chong tiikang ngukla, apaiq armin Abraham saüse phan sii.

Krai mren, Jesuq ka kra ba niishe saüho raüta, apaiq raq ra nü na liito. Raüta, Jekias ma akha bomto, “Jekias, satki tlo laq. Ümchaü ranaiq ngi ka ümjam na dü wan ra dongdii.” Kra tai raüta, Jekias ka pechong maq satkisaq raüta, Jesuq ka ajam niishe shea wanto. Kiimaq chojong chise maq tao wanto.

Kiimaq, Jekias ka tarü man na chap raüta, Tatiwe ma chongto, “Shiilangwe le liilaq. Ngi raq ita iwii hupsam sitlaq kriiwa, mannai na phea lata, manshi kra miitsan miijan maiqse miishe miphea kuqha. Kiimaq ngi raq maiq weshi ra la laolii wan kang jiila, kra thaq na manblai tliip lata mitham kuqha.”

Kra tai raütiishe, nokwe phong na Phorisinok wiijamti asi kriiraq, Jesuq ma, “Shrinketi we, ümjaqshisetiim ma, akhiika naq gisii rongkiq nguta atiitsaq riilaq!” nguta chongto. Kiijiishe, “Ngi chongpha, tai ronglaq. Tsangshiq la tsaqki raüla, ara longkaü thun ara riishe misii trangho,” nguta Jesuq raq tsangshiq bom ka treto.