Versets bíblics populars de Luke 14

Comparteix

Kiñaliqaa qairuaq uvamnun iḷitchitquraġiyumiñaitkiga piviuttaġiłhaaġumiñaitpaŋa ilaan aapamiñiñ, aakamiñiḷḷu, nuliamiñiḷḷu, miqłiqtumiñiḷḷu, aniqatiimiñiḷḷu, inmiñiñunniiḷu.

Kialiqaa iqsriutiŋitkumiuŋ aŋarraurani tuqutauyumaliġḷuniunnii pisigiluŋa, nalliummatiŋitchuq iḷitchitqurauyumiñaġluni uvamnun.

Qanuq kiñaliqaa kamanaqsiḷiqtuaq inmiñik kamanaiqsauniaqtuq, suli kiñaliqaa kamasaaŋitchuaq inmiñi kamanaqsiḷiqtauniaqtuq.

Tavra Jesus uqallaŋaruq, Tainnatun kiñaliqaa ilivsiññi suksraaġiŋitkumi supayaanik pigikkaġmiñik, iḷitchitqurauyumiñaitchuq uvamnun.

Qanuq nalliqsi, nappaiyumaalliġumi nasiqsruġviŋmik, aquptaaġluni kisitchiqqaaġniaŋitpa qanutun akisutilaaksraŋanik naamaniaġaluaġmagaaġmi naatchumiñaġlugu? Tainna piŋisuaġumi, maŋŋuliqsiññaġlugu naatchiyumiñaiññiqpan, iñuich tautukkumirruŋ kipautigirraqsiñiaġaat, uqaġlutiŋ, Iñugliuna nappaisaġaluaqłuni, naatchiyumiñaiḷḷaġmi pimmiñiqsuq.

Aglaan niqinaqurriguvich, aiyugaakkich iḷiappaich, qilluutituqtuat, tusiattuat, ayauŋaruat, aasii quviatchaktitauniaqtutin, qanuq ilaisa paaqłiġumiñaitkaatin. Tavra God-im paaqłiġñiaġaatin aŋikpata tuqqunmiñ nalaunŋaruat.

Taġiuq nakuuruq, aglaattauq taġiuq taġiuġniiġumi, qanuġlugu taġiuġniḷitqikkumiñaitchuq. Anniqsuutauyumiñaitchuq nunamun naagga nagguksautauyumiñaġluni nunamun. Aglaan naavitaksrauruq asiñun. Ilivsi iḷitchitquratka taġiutun ittusi nunam iñuŋiñun. Tavraasii siutiqaqtusi tusaggatiksragnik, Naalaġnisiŋa.