Versets bíblics populars de Yh 4

Comparteix

Mulungu ni mzimu, nipo omulambila owamila kumulambila mu Mzimu na mu vyendi.”

Koma nsita ikuza, nipo yafwika kale, pati Mzimu Mtuŵa azeawulule ku ŵanthu mwalili Atata mu vyendi. Atata otemwa ŵanthu woteti kuti ni womulombela.

Koma aliyense ŵatiazeamwe manzi ŵanitinizemupe newo, azeamvwelini soti njota mpaka nsita zosasila. Manzi ŵanitinizemupe azotumphuka mwa yeve ngani nyenje ya manzi akupa moyo, nakupa moyo wosasila.”

Yesu elaŵila kuti, “Kuti mwenzoziŵa cawanzi ca Mulungu, nipo mwenzoziŵa soti osenga manzi akumwa, sembe mwamusenga ni mwewo, yeve nokupani manzi okupa moyo.”

Koma Yesu elaŵila kuti, “Cakulya cangu ni kucita cakupangwa Atata enituma, kuti nisilizye nchito yecinipa ŵeve.

Mwanakazi wala elaŵila kuti, “Mwewo, muliye na cotapilamo kumo, nipo cisime ici ni conoka. Nga manzi akupa moyo uyo muŵatole kuni?

Mwanakazi ŵala elaŵila kuti, “Nuziŵa kuti akuza Mesiya, Mpulumushi Wolayizyiwa wala. Yeve akazowela, azeatikonkhololele vonse.” Yesu emuwuzya kuti, “Ni newo wamene nulaŵila namwe.”

“Tiyeni, mukawone munthu waniwuzya vonse venenzocita newo. Kansi uyu angaŵelini Mpulumushi Wolayizyiwa wala?”