Versets bíblics populars de Ppën 20

Comparteix

aji na baka : « Nji dwooŋ Yawe Nawat Kabuka, Naşibaţi i nu, andoliiŋ kë ipën du Ejiptu, uŧaak wi babiiŋ ajuuknţënaanu. « Iinkdëman nin uko uloŋ bë mënţ nji a.

« Iinkboman nin uko uloŋ unnaamuŋ na iko inwooŋ du baţi këme ţi mboş, këme ţi meel manwooŋ ţi mboş uţeeh kado kadëman ya. Iinkŋup ţi kadun ki ŋnŧoŋ mënţ kadëman ŋa kabot kalempar ŋa, nji Nawat Kabuka, dwo Naşibaţi i nu, awo mënji kaţok nin uko uloŋ, pjuban pi banşoornuŋ paji paţu nkob baka, babuk baka te du bamumiin.

« Mëbaan şaaş na naan bnuura ŋnuur ŋi nu ŋahilna ŋaŧum ţi mboş mi Nawat Kabuka Naşibaţi i nu akwuliiŋ.

« Doon kaleş unuur wi pnoorfën, ido wa unuur uyimanaan.

« Iinkdo kanohnaana katim ki Naşibaţi, ţiki Nawat Kabuka aanji miir ñaaŋ anknohnaaniiŋ katimul.

Ido kalemp ŋnuur paaj, kado iko bŧi yi iwooŋ i pdo ţi ŋnuur mënţan ; kë unuur uţënk paaj na uloŋ uşë wo unuur wi pnoorfën, unuur wi Nawat kabuka Naşibaţi i nun. Iinkdo nin ulemp uloŋ ţi unuur mënţ, iwi, abuku, nalemparu, na ŋnŧaam ŋi nu, na nayaanţ ambiiŋ ţi katohu.

« Iinkñeebar bka bi aŧënţu : uwole katoh, aharul, nalemparul, uwit këme ubuuru, iinkñeebar nin uko uloŋ wi nul. »

« Iinkţilandër aŧënţu.

« Iinkpiinţ na ahar ñaaŋ.

« Iinkfiŋ ñaaŋ.

« Iinkkiij.