Versets bíblics populars de Ninge 11

Comparteix

Kanong warah, no Watong i takodas. I manga sip ira takodasiana magingin. Ira ut na takodas, diet na nes no matmataan tana.

No Watong ie kenam narakoman tano uno halhaliana hala. No Watong i kis taar kenam tano uno kinkinis na harkurai aram ra mawe. I nes tar ira tunotuno tano ula hanuo. Ira matana i walar diet.

No Watong i walar ira ut na takodas, ma i malentakuane ira ut na sakena ma diet ing diet sip ira dadas na magingin na halhaliarai.

Bia ing kana di halhaliare ira burena ira bilbilai, asa mah um ing ira ut na takodas diet tale bia diet na gil?

Aram narakoman tano Watong iau kis barahit taar. Hobibih balik bia i tale ugu bia nu tange tagu bia, “Pupungo laah hoing tiga maan uram tano num uladih.”