Laghano Lya Sambi Kwe Iwanu Wose

<div class="version vid915 iso6393ruf" data-vid="915" data-iso6393="ruf">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesu kolonga ne ipinga Msamariya</div><div class="p"> 1Mafarisayo tsawahulika ka Yesu yang'ali yowatenda iwanu wengi wawe iwanang'ina na kuwabatitsa kubita Yohane, 2lekeni Yesu ng'abatitse bae iwanu, ila iwanang'ina wake iwo iwabatitse. 3Yesu hayahulike apfi, kalawa Yudeya koya Galilaya, 4mne ghumwanza ghwake tsakabamighwa kubitila Samariya.</div><div class="p"> 5Tsakapfika Samariya hanu hakemighwe Sikari, habehi na mghunda ghula Yakobu ghwamwing'ile Yosefu, imwanaghe. 6Baho tsakukala na chisima cha Yakobu, kwaapfila Yesu tsakepfa kwa ghumwanza ghwake, apfo kakala hasi habehi ne chisima. Tsaikala nemisi.</div><div class="p"> 7Ipinga yumwe Msamariya tsakatsa kudegha ghamatsi, Yesu kamlongela, &#8220;Ungaye ghamatsi nuwe.&#8221; 8Iwanang'ina wake tsawaghenda mkaye kughula ichijo.</div><div class="p"> 9Ipinga ayo kamwidika, &#8220;Ghweghwe kwa Myahudi, nene na Msamariya. Ule kwonomba ghamatsi?&#8221; Tsakalonga apfi kwaapfila Wayahudi na Wasamariya ng'awajagha hamwe bae.</div><div class="p"> 10Yesu kamwidika, &#8220;Ung'amanyile ichinu chayolapfa Imulungu na nani iyokulomba ghamatsi gho ukunwa, ung'amlombile, naye ang'akwing'ile ghamatsi ighoghala ughima.&#8221;</div><div class="p"> 11Ipinga ayo kalonga, &#8220;Imtwatsa, kwahela chinu cha kudeghela ghamatsi, ne chisima chighendesa. Lelo utsoghapata kwani ghamatsi ghe ughima? 12Apfi ghweghwe kwa mbala kubita aba wetu Yakobu iyatwing'ile chisima chino, yeye mwenyegho ne iwanaghe ne iwanyama wake tsawanwa ghamatsi ghe chisima chino?&#8221; 13Yesu kamwidika, &#8220;Imunu wowose iyakunwa ghamatsi ghano, katsakona ng'ilu keli, 14lekeni imunu wowose iyakunwa ghamatsi ghanimwing'a nene, ng'atsakona ng'ilu keli. Ghamatsi ghanimwing'a nene ghatsakuwa mbwibwi iilapfa ghamatsi gha ughima mghati mwake na ghatsomwing'a ughima wa ghamatsuwa ghose.&#8221;</div><div class="p"> 15Ipinga ayo kamlongela, &#8220;Mtwatsa ngaya ghamatsi agho ndeke kwona ng'ilu keli, kuya ndeke kutsa hano keli kudegha ghamatsi.&#8221;</div><div class="p"> 16Yesu kamlongela, &#8220;Ghenda ukamkeme mmale wako, utse naye.&#8221;</div><div class="p"> 17Ipinga ayo kamwidika, &#8220;Nahela mmale.&#8221;</div><div class="p">Yesu kamlongela, &#8220;Kolonga ghoya haulonga kwahela mmale. 18Kwaapfila tsakukwelighwa ne iwamale watano, na mmale yauli naye sambi si mmale wako bae. Chaulongile kulongesa ghendo.&#8221;</div><div class="p"> 19Ipinga ayo kalonga, &#8220;Imtwatsa, nakwona ghweghwe kwa nabii. 20Iwabala wetu tsawamtamanila Imulungu hane lughongo luno, lekeni mwemwe Wayahudi mwolonga twobamighwa tumtamanile Imulungu ako Yerusalemu.&#8221;</div><div class="p"> 21Yesu kamlongela, &#8220;Mai utoghole, ghamatsuwa ghakutsa iwanu ng'awatsomtamanila bae Aba hane lughongo luno wala ako Yerusalemu. 22Mwemwe Wasamariya ng'amummanyile bae yamumtamanila, lekeni twetwe Wayahudi twommanya yatumtamanila, kwaapfila ukombotsi wolawa kwa Wayahudi. 23Lekeni matsuwa ghakutsa na sambi ghabaha iwanu iwotamanila kweli watsomtamanila Aba kwa kulongotsighwa na Ghumuhe na kweli, kwaapfila womtamanila ka Aba pfayobama. 24Imulungu ka Ghumuhe, apfo iwanu wake iwomtamanila wamtamanile kwa Ghumuhe na ukweli.&#8221;</div><div class="p"> 25Ipinga ayo kamlongela, &#8220;Nomanya Masiya iyokemighwa Kiristu kakutsa, na hatsakutsa katsotulongela ghoya chila chinu.&#8221;</div><div class="p"> 26Yesu kamwidika, &#8220;Nene yanilonga naghwe, iyo yuyo.&#8221;</div><div class="p"> 27Iwanang'ina wake Yesu tsawoya, wakangawala kumpfika Yesu kolonga ne ipinga ayo. Lekeni kuduhu imunu yamghutsile, &#8220;Apfi ubama choni?&#8221; au &#8220;Ule ulonga ne ipinga?&#8221;</div><div class="p"> 28Kuya ipinga ayo kachileka chiha chake cha ghamatsi, koya ukaye, kawalongela iwanu, 29&#8220;Mtse mmwone imunu iyanongele ipfinu pfose pfanendile. Apfi ayu kodaha kuwa Kiristu?&#8221; 30Apfo iwanu walawa mkaye mwao wamghendela Yesu.</div><div class="p"> 31Ichipindi chichila iwanang'ina wake wang'ali womlomba Yesu, &#8220;Mlangulitsi tanu diya!&#8221;</div><div class="p"> 32Lekeni Yesu kawedika, &#8220;Nene nina ichijo ing'amchimanyile bae.&#8221;</div><div class="p"> 33Kuya iwanang'ina wake wandusa kwighutsa, &#8220;Pfii hana munu iyamghalile chijo?&#8221;</div><div class="p"> 34Yesu kawalongela, &#8220;Ichijo changu chicho chino, kusang'ana aghala ghayobama iyanitumile na kuimalitsa ing'onde yangaile niisang'ane. 35Mwemwe mwolonga, &#8216;Ing'ali miyetsi mine, kuya ghamatsuwa gha mapfuno ghopfika.&#8217; Nowalongela, mwinule tsinenge mlole imighunda! Ghamatsawo ghakomala, ghobamighwa ghapfunighwe! 36Imunu iyopfuna kobokela maliho na kolunda hamwe ghamatsawo kwaajili ya ughima wa matsuwa ghose, ili imunu iyohanda na imunu iyopfuna wadeng'elele hamwe. 37Iwanu hawolonga, &#8216;Yumwe kohanda, yungi kopfuna&#8217; wolongesa. 38Nimtumani kupfuna mne imighunda yang'amlimile bae, iwanu wangi wasang'ana namwe mwobweda kwa isang'ano yawo.&#8221;</div><div class="s">Wasamariya wengi womtoghola Yesu</div><div class="p"> 39Wasamariya wengi wa kaye ila wamtoghola Yesu kwa achila chalongile ipinga ayo, &#8220;Kanongela ipfinu pfose pfanendile.&#8221; 40Apfo Wasamariya wamghendela Yesu, wamlomba akale nawo, Yesu kakala nawo matsuwa meli.</div><div class="p"> 41Iwanu wengi tsawatoghola kwa mbuli tsa Yesu. 42Wamlongela ipinga ayo, &#8220;Sambi tutoghola, si kwa achila chulongile bae, ila kwaapfila twetwe iwenyegho tumuhulika, twomanya imunu yuno kweli ka Mkombotsi we iisi yose.&#8221;</div><div class="s">Yesu komuhonetsa imwana we chilongotsi</div><div class="p"> 43Haghamalile matsuwa meli Yesu kaghenda Galilaya. 44Kwaapfila Yesu imwenyegho tsakalonga, &#8220;Nabii ng'otogholighwa bae mne isi yake.&#8221; 45Yesu hapfikile Galilaya, iwanu wambokela kwaapfila nawo tsawaghenda mne Ichihungo cha Ipasaka ako Yerusalemu, na waghona ghose ghatendile Yesu mne ichihungo acho.</div><div class="p"> 46Kuya Yesu kengila keli mne ghumji ghwa Kana ako Galilaya, hanu haghaluse ghamatsi kuwa idipfai. Baho tsakukala ne chilongotsi yane imwana iyoghula ako Kaperinaumu. 47Chilongotsi ayo hayahulike Yesu kapfika ako Galilaya kulawa Yudeya, kamghendela kamlomba aghende akamhonetse imwanaghe, iyang'ali habehi ukufa.</div><div class="p"> 48Yesu kamlongela, &#8220;Mwemwe ng'amtoghola mbaka mwone ipfitango na pfihulo.&#8221;</div><div class="p"> 49Chilongotsi ayo kamwidika, &#8220;Mtwatsa tuke ng'ana mwanangu yafe.&#8221; 50Yesu kamwidika, &#8220;Ghweghwe ghenda, imwanagho katsohona.&#8221;</div><div class="p">Chilongotsi ayo katoghola chalongile Yesu, koka ukaye. 51Hang'ali mnzila, ketingana ne iwatumwa wake, wamlongela imwanaghe kahona.</div><div class="p"> 52Kawaghutsa, &#8220;Imwana handuse kuhona saa ngapi?&#8221; wamwidika, &#8220;Ligholo saa saba nemisi.&#8221; 53Kuya aba ayo tsakamanya ka isaa iila Yesu yamlongele, &#8220;Imwanagho katsohona.&#8221; Apfo yeye na kaye yake wamtoghola Yesu.</div><div class="p"> 54Apfino tsapfikala pfihulo pfa keli pfatendile Yesu halawile Yudeya kughenda Galilaya.</div>
 </div>
 </div>
</div>

Mafarisayo tsawahulika ka Yesu yang'ali yowatenda iwanu wengi wawe iwanang'ina na kuwabatitsa kubita Yohane, lekeni Yesu ng'abatitse bae iwanu, ila iwanang'ina wake iwo iwabatitse. Yesu hayahulike apfi, kalawa Yudeya koya Galilaya, mne ghumwanza ghwake tsakabamighwa kubitila Samariya.
Tsakapfika Samariya hanu hakemighwe Sikari, habehi na mghunda ghula Yakobu ghwamwing'ile Yosefu, imwanaghe. Baho tsakukala na chisima cha Yakobu, kwaapfila Yesu tsakepfa kwa ghumwanza ghwake, apfo kakala hasi habehi ne chisima. Tsaikala nemisi.
Ipinga yumwe Msamariya tsakatsa kudegha ghamatsi, Yesu kamlongela, “Ungaye ghamatsi nuwe.” Iwanang'ina wake tsawaghenda mkaye kughula ichijo.
Ipinga ayo kamwidika, “Ghweghwe kwa Myahudi, nene na Msamariya. Ule kwonomba ghamatsi?” Tsakalonga apfi kwaapfila Wayahudi na Wasamariya ng'awajagha hamwe bae.
Yesu kamwidika, “Ung'amanyile ichinu chayolapfa Imulungu na nani iyokulomba ghamatsi gho ukunwa, ung'amlombile, naye ang'akwing'ile ghamatsi ighoghala ughima.”
Ipinga ayo kalonga, “Imtwatsa, kwahela chinu cha kudeghela ghamatsi, ne chisima chighendesa. Lelo utsoghapata kwani ghamatsi ghe ughima? Apfi ghweghwe kwa mbala kubita aba wetu Yakobu iyatwing'ile chisima chino, yeye mwenyegho ne iwanaghe ne iwanyama wake tsawanwa ghamatsi ghe chisima chino?” Yesu kamwidika, “Imunu wowose iyakunwa ghamatsi ghano, katsakona ng'ilu keli, lekeni imunu wowose iyakunwa ghamatsi ghanimwing'a nene, ng'atsakona ng'ilu keli. Ghamatsi ghanimwing'a nene ghatsakuwa mbwibwi iilapfa ghamatsi gha ughima mghati mwake na ghatsomwing'a ughima wa ghamatsuwa ghose.”
Ipinga ayo kamlongela, “Mtwatsa ngaya ghamatsi agho ndeke kwona ng'ilu keli, kuya ndeke kutsa hano keli kudegha ghamatsi.”
Yesu kamlongela, “Ghenda ukamkeme mmale wako, utse naye.”
Ipinga ayo kamwidika, “Nahela mmale.”
Yesu kamlongela, “Kolonga ghoya haulonga kwahela mmale. Kwaapfila tsakukwelighwa ne iwamale watano, na mmale yauli naye sambi si mmale wako bae. Chaulongile kulongesa ghendo.”
Ipinga ayo kalonga, “Imtwatsa, nakwona ghweghwe kwa nabii. Iwabala wetu tsawamtamanila Imulungu hane lughongo luno, lekeni mwemwe Wayahudi mwolonga twobamighwa tumtamanile Imulungu ako Yerusalemu.”
Yesu kamlongela, “Mai utoghole, ghamatsuwa ghakutsa iwanu ng'awatsomtamanila bae Aba hane lughongo luno wala ako Yerusalemu. Mwemwe Wasamariya ng'amummanyile bae yamumtamanila, lekeni twetwe Wayahudi twommanya yatumtamanila, kwaapfila ukombotsi wolawa kwa Wayahudi. Lekeni matsuwa ghakutsa na sambi ghabaha iwanu iwotamanila kweli watsomtamanila Aba kwa kulongotsighwa na Ghumuhe na kweli, kwaapfila womtamanila ka Aba pfayobama. Imulungu ka Ghumuhe, apfo iwanu wake iwomtamanila wamtamanile kwa Ghumuhe na ukweli.”
Ipinga ayo kamlongela, “Nomanya Masiya iyokemighwa Kiristu kakutsa, na hatsakutsa katsotulongela ghoya chila chinu.”
Yesu kamwidika, “Nene yanilonga naghwe, iyo yuyo.”
Iwanang'ina wake Yesu tsawoya, wakangawala kumpfika Yesu kolonga ne ipinga ayo. Lekeni kuduhu imunu yamghutsile, “Apfi ubama choni?” au “Ule ulonga ne ipinga?”
Kuya ipinga ayo kachileka chiha chake cha ghamatsi, koya ukaye, kawalongela iwanu, “Mtse mmwone imunu iyanongele ipfinu pfose pfanendile. Apfi ayu kodaha kuwa Kiristu?” Apfo iwanu walawa mkaye mwao wamghendela Yesu.
Ichipindi chichila iwanang'ina wake wang'ali womlomba Yesu, “Mlangulitsi tanu diya!”
Lekeni Yesu kawedika, “Nene nina ichijo ing'amchimanyile bae.”
Kuya iwanang'ina wake wandusa kwighutsa, “Pfii hana munu iyamghalile chijo?”
Yesu kawalongela, “Ichijo changu chicho chino, kusang'ana aghala ghayobama iyanitumile na kuimalitsa ing'onde yangaile niisang'ane. Mwemwe mwolonga, ‘Ing'ali miyetsi mine, kuya ghamatsuwa gha mapfuno ghopfika.’ Nowalongela, mwinule tsinenge mlole imighunda! Ghamatsawo ghakomala, ghobamighwa ghapfunighwe! Imunu iyopfuna kobokela maliho na kolunda hamwe ghamatsawo kwaajili ya ughima wa matsuwa ghose, ili imunu iyohanda na imunu iyopfuna wadeng'elele hamwe. Iwanu hawolonga, ‘Yumwe kohanda, yungi kopfuna’ wolongesa. Nimtumani kupfuna mne imighunda yang'amlimile bae, iwanu wangi wasang'ana namwe mwobweda kwa isang'ano yawo.”

Wasamariya wengi wa kaye ila wamtoghola Yesu kwa achila chalongile ipinga ayo, “Kanongela ipfinu pfose pfanendile.” Apfo Wasamariya wamghendela Yesu, wamlomba akale nawo, Yesu kakala nawo matsuwa meli.
Iwanu wengi tsawatoghola kwa mbuli tsa Yesu. Wamlongela ipinga ayo, “Sambi tutoghola, si kwa achila chulongile bae, ila kwaapfila twetwe iwenyegho tumuhulika, twomanya imunu yuno kweli ka Mkombotsi we iisi yose.”

Haghamalile matsuwa meli Yesu kaghenda Galilaya. Kwaapfila Yesu imwenyegho tsakalonga, “Nabii ng'otogholighwa bae mne isi yake.” Yesu hapfikile Galilaya, iwanu wambokela kwaapfila nawo tsawaghenda mne Ichihungo cha Ipasaka ako Yerusalemu, na waghona ghose ghatendile Yesu mne ichihungo acho.
Kuya Yesu kengila keli mne ghumji ghwa Kana ako Galilaya, hanu haghaluse ghamatsi kuwa idipfai. Baho tsakukala ne chilongotsi yane imwana iyoghula ako Kaperinaumu. Chilongotsi ayo hayahulike Yesu kapfika ako Galilaya kulawa Yudeya, kamghendela kamlomba aghende akamhonetse imwanaghe, iyang'ali habehi ukufa.
Yesu kamlongela, “Mwemwe ng'amtoghola mbaka mwone ipfitango na pfihulo.”
Chilongotsi ayo kamwidika, “Mtwatsa tuke ng'ana mwanangu yafe.” Yesu kamwidika, “Ghweghwe ghenda, imwanagho katsohona.”
Chilongotsi ayo katoghola chalongile Yesu, koka ukaye. Hang'ali mnzila, ketingana ne iwatumwa wake, wamlongela imwanaghe kahona.
Kawaghutsa, “Imwana handuse kuhona saa ngapi?” wamwidika, “Ligholo saa saba nemisi.” Kuya aba ayo tsakamanya ka isaa iila Yesu yamlongele, “Imwanagho katsohona.” Apfo yeye na kaye yake wamtoghola Yesu.
Apfino tsapfikala pfihulo pfa keli pfatendile Yesu halawile Yudeya kughenda Galilaya.

Escolta Yohane 4