If you would like a copy of this version please contact info@davaraudiobibles.org

Sena, Malawi Old Testament

<div class="version vid2973 iso6393swk" data-vid="2973" data-iso6393="swk">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s">Kudawika kwa anthu</div><div class="p"> 1Pidainjipa anthu padziko yonsene yapansi, pontho na pikhabalwa atsikana,#Yob. 1.6; 2.1. 2pyakulengwa pinango pyauzimu#6.2 pyakulengwa pinango pyauzimu: penu ana a milungu; penu ana a Mulungu; penu mizimu yakubulukira kudzulu. pidaona kuti atsikana a anthu akhali akubalika pyakwanga, natenepo ipyo pidakwata atsikana pikhafuna ipyowo kukhala akazawo. 3Tenepo MBUYA adalonga mbati, &#8220;Mzimu wanga nkhabe khalave muna anthu kwenda na kwenda tayu, thangwi iwo ngakuipa. Kutomera lero kwenda m'tsogolo iwo hanakhalave pyaka kupiringana dzana ibodzi na makumawiri tayu.&#8221; 4Nsiku zenezo pontho kubuluka penepo padziko yapansi pakhali anthu akukhuma, ale akhali pidzukulu pya pyakulengwa pyauzimu, pontho ana achikazi a anthu. Ana enewo akhali anthu amphamvu akale-kale, pontho akuveka.#Kal. 13.33.</div><div class="p"> 5Pidaona MBUYA kudawika pikulu kudachita anthu onsene a padziko yapansi, pontho kuipa kudachita manyerezero awo ndzidzi onsene,#Mt. 24.37; Lk. 17.26; 1Pet. 3.20. 6MBUYA adatsukwala kuti adasasanya munthu mbamuikha padziko yapansi. Mtimache udampha pyakwanga mwakuti 7adalonga mbati, &#8220;Ndinati ndiapuluze anthu adasasanya inewa pabodzi pene na nyama pontho mbalame, thangwi ndikutsukwala kuti ndidaasasanya.&#8221; 8Mbwenye MBUYA adakomerwa na Nowa.</div><div class="s">Nowa</div><div class="p"> 9-10 # 
 2Pet. 2.5. Ishi ndi mbiri ya Nowa. Iye akhali na ana atatu achimuna, Semu, Hamu na Yafeti. Nowa akhali munthu wakulungama pontho wakusowa chakumpokanyisa pakati pa anthu ndzidzi wachewo. Iye akhali munthu wakuphatizana na Mulungu, 11mbwenye anthu anango onsene akhali akuipa pamaso pa Mulungu, pontho ugandanga ukhali konsene kwene. 12Mulungu adayang'ana dziko yapansi mbaona kuti njakuipa, thangwi anthu akhakhala na makhaliro akudawika.</div><div class="p"> 13Mulungu adalonga kuna Nowa mbati, &#8220;Ndinati ndipuluze anthu onsenewa. Ndinati ndiavunge monsene mwene, thangwi dziko yonsene yapansi yadzala na ugandanga thangwi ya iwo. 14Natenepo pisasanyire wekha ene chimwadiya kubulukira kumatabwa anjale; usasanye masubi m'bwalo mwachemo, pontho uzirime na upula kunja na m'bwalo mwene. 15Chimwadiyacho ulaphi wache ukhale makhono dzana na makumanayi, umimbache ukhale makhono makumawiri na atatu, pontho thungache ikhale makhono khumi na atatu. 16Usasanye nsoyi#6.16 nsoyi: penu zhanera. ya chimwadiyacho, pontho usiye mbuto yakukwana kati ya khono pakati pa nsoyi na mafufu a chimwadiyacho. Uikhe msuwo pakhundu ya chimwadiyacho. Uchisasanye kuti chikhale na nyumba zitatu zakusanjikizana, yapansi, yapakati na yam'dzulu. 17Ine ndikufuna kuvumbisa mvula padziko yonsene yapansi kuvunga pinthu pyonsene pyamoyo. Pinthu pyonsene pya padziko yapansi pinati pife, 18mbwenye ndinasasanya chiverano na iwe. Pita m'chimwadiyamo, iwe, mkazako, anako achimuna na akazawo ene. 19M'chimwadiyamo upitisemo pyonsene pyakukhala na moyo piwiri-piwiri chikazi na chimuna, towera pisale mbewu. 20Mbalame, nyama na pyakukambadza piwiri-piwiri pya mtundu onsene, towera pisale mbewu. 21Ukwate pontho phoso ya mtundu onsene, yako na ya nyama zene.&#8221; 22Tenepo Nowa adachita pinthu pyonsene pidampanga Mulungu pile.#Aheb. 11.7.</div>
 </div>
 </div>
</div>

Pidainjipa anthu padziko yonsene yapansi, pontho na pikhabalwa atsikana, pyakulengwa pinango pyauzimu pidaona kuti atsikana a anthu akhali akubalika pyakwanga, natenepo ipyo pidakwata atsikana pikhafuna ipyowo kukhala akazawo. Tenepo MBUYA adalonga mbati, “Mzimu wanga nkhabe khalave muna anthu kwenda na kwenda tayu, thangwi iwo ngakuipa. Kutomera lero kwenda m'tsogolo iwo hanakhalave pyaka kupiringana dzana ibodzi na makumawiri tayu.” Nsiku zenezo pontho kubuluka penepo padziko yapansi pakhali anthu akukhuma, ale akhali pidzukulu pya pyakulengwa pyauzimu, pontho ana achikazi a anthu. Ana enewo akhali anthu amphamvu akale-kale, pontho akuveka.
Pidaona MBUYA kudawika pikulu kudachita anthu onsene a padziko yapansi, pontho kuipa kudachita manyerezero awo ndzidzi onsene, MBUYA adatsukwala kuti adasasanya munthu mbamuikha padziko yapansi. Mtimache udampha pyakwanga mwakuti adalonga mbati, “Ndinati ndiapuluze anthu adasasanya inewa pabodzi pene na nyama pontho mbalame, thangwi ndikutsukwala kuti ndidaasasanya.” Mbwenye MBUYA adakomerwa na Nowa.

Ishi ndi mbiri ya Nowa. Iye akhali na ana atatu achimuna, Semu, Hamu na Yafeti. Nowa akhali munthu wakulungama pontho wakusowa chakumpokanyisa pakati pa anthu ndzidzi wachewo. Iye akhali munthu wakuphatizana na Mulungu, mbwenye anthu anango onsene akhali akuipa pamaso pa Mulungu, pontho ugandanga ukhali konsene kwene. Mulungu adayang'ana dziko yapansi mbaona kuti njakuipa, thangwi anthu akhakhala na makhaliro akudawika.
Mulungu adalonga kuna Nowa mbati, “Ndinati ndipuluze anthu onsenewa. Ndinati ndiavunge monsene mwene, thangwi dziko yonsene yapansi yadzala na ugandanga thangwi ya iwo. Natenepo pisasanyire wekha ene chimwadiya kubulukira kumatabwa anjale; usasanye masubi m'bwalo mwachemo, pontho uzirime na upula kunja na m'bwalo mwene. Chimwadiyacho ulaphi wache ukhale makhono dzana na makumanayi, umimbache ukhale makhono makumawiri na atatu, pontho thungache ikhale makhono khumi na atatu. Usasanye nsoyi ya chimwadiyacho, pontho usiye mbuto yakukwana kati ya khono pakati pa nsoyi na mafufu a chimwadiyacho. Uikhe msuwo pakhundu ya chimwadiyacho. Uchisasanye kuti chikhale na nyumba zitatu zakusanjikizana, yapansi, yapakati na yam'dzulu. Ine ndikufuna kuvumbisa mvula padziko yonsene yapansi kuvunga pinthu pyonsene pyamoyo. Pinthu pyonsene pya padziko yapansi pinati pife, mbwenye ndinasasanya chiverano na iwe. Pita m'chimwadiyamo, iwe, mkazako, anako achimuna na akazawo ene. M'chimwadiyamo upitisemo pyonsene pyakukhala na moyo piwiri-piwiri chikazi na chimuna, towera pisale mbewu. Mbalame, nyama na pyakukambadza piwiri-piwiri pya mtundu onsene, towera pisale mbewu. Ukwate pontho phoso ya mtundu onsene, yako na ya nyama zene.” Tenepo Nowa adachita pinthu pyonsene pidampanga Mulungu pile.

Escolta Kutoma 6