<div class="version vid2630 iso6393sor" data-vid="2630" data-iso6393="sor">
 <div class="book bkEXO">
 <div class="chapter ch3" data-usfm="EXO.3">
 <div class="label">3</div><div class="s1">Ma&#771;r&#816;i&#771; biy Moyis dara ba k&#616;d&#616;n&#601; nare n&#601; Israyel daa kwaynaniy&#601;</div><div class="p"> 1Moyis g&#616;d&#616; aba gama bage n&#601;n&#601; dyam&#601;w abad&#616; g&#616; Jet&#616;ro#3.1 Jet&#616;ro Jet&#616;ro di, sum&#616;w g&#616; m&#616;n &#599;ang i Rewel, yarna K&#616;rara g&#616; daa (Exode) 2.15-18. duwa. Jet&#616;ro i aba bwasa Ma&#771;r&#816;i&#771; mana g&#616; s&#616;n&#816;a d&#616; Madiyann&#601;. Wa&#769;la m&#616;n, Moyis ha gama bage mana g&#616; d&#616;n tuld&#616; d&#616; al&#601; ta l&#601; kur&#816;a d&#616;n&#601; Ma&#771;r&#816;i&#771; duwa s&#616;d&#601; ib. Kur&#816;a d&#616; ta di, g&#616; &#42892;wog&#616;d&#616; Horeb. 2Mana g&#616; ta l&#601; da, paja g&#616;n&#601; Aba dama g&#616; d&#616;r&#601;w b&#616;r&#816;&#616;n&#816; duwa d&#616;m&#601; g&#616;ra g&#616;l&#616;w s&#616;w mana g&#616; du&#768;wa d&#616; &#42892;yo bil&#616;m bil&#616;m dwar&#816;&#616; l&#601;. Me mani n&#601; Moyis y&#601;rg&#616; da, an&#816;ji y&#601;r i du&#768;wa d&#616; &#42892;yo mana g&#616; habda g&#616; &#599;wag &#599;wag dalaw&#601; me ul habda g&#616; ta di b&#601;d&#601;. 3Yande da, Moyis &#616;r&#616;m dus&#616;w&#601; ba da: &#171;N&#601; kwong&#616; ha yara mani n&#601; &#599;an&#816;a n&#601; i ta di. Du&#768;wa di il&#601; &#42892;ywaa l&#601; me, ul habda g&#616; &#599;wag &#599;wag di b&#601;d&#601;, dana mo?&#187;</div><div class="p"> 4Aba dama g&#616; d&#616;r&#601;w b&#616;r&#816;&#616;n&#816; y&#601;r dara Moyis il&#601; kwanga l&#601; dara ha&#769;ra yara mani n&#601; ta di mwom da, an&#816;ji &#42892;wog&#616;w mana g&#616; habda g&#616; &#599;wag &#599;wag di dalaw&#601; ba da: &#171;Moyis! Moyis!&#187; Me Moyis doy&#616;w l&#601; diiy&#601; ba da: &#171;Wo&#769;y!&#187; 5An&#816;ji way&#616;w Moyis da: &#171;Hare mana g&#616; ka l&#601; di ib b&#601;d&#601;, n&#816;ir&#816;&#616;b&#616; g&#616;bande bam g&#616;damm&#601;, dara mana g&#616; m&#601; &#599;&#616;b&#616; l&#601; ka di, i mana ni g&#616; n&#601; biy&#616;w kal&#616;w jiga. 6&#407;ndi di, n&#601; i Ma&#771;r&#816;i&#771; g&#616;n&#601; abam duwa. N&#601; i Ma&#771;r&#816;i&#771; g&#616;n&#601; Ab&#616;raham duwa me, g&#616;n&#601; Isak duwa me, g&#616;n&#601; Jakob duwa me ca.&#187; Me Moyis di bud&#616; d&#616;r&#601;w le, dara la&#769;n&#816;a a&#768;l&#616;we, an&#816;ji nem &#42892;woo d&#616;r&#601;w daa yara g&#616; Ma&#771;r&#816;i&#771; b&#601;d&#601;.</div><div class="p"> 7&#407;r&#816;&#616; Aba dama g&#616; d&#616;r&#601;w b&#616;r&#816;&#616;n&#816; wayaw Moyis &#599;ang bi ba da: &#171;N&#601; y&#601;r nare ni n&#601; Israyel g&#616;l&#601; day g&#616; d&#616;r&#616;n&#816; mana g&#616; s&#616;n&#816;a d&#616; Ejibt&#616; l&#601; me, n&#601; doy gura day g&#616; cendi bo dara gwaba g&#616; nare n&#601; Ejibt&#616; gob&#616;g&#616; di me ca. Wamani day di, n&#601; &#42892;wocn&#816; com. 8I ta di me n&#601; ch&#601;&#769;&#601; yala n&#616;m dara k&#616;d&#601;g&#616; n&#616;m daa nare n&#601; Ejibt&#616; &#616;s&#616;rag&#616; l&#601; me, ba n&#601; wolg&#616; ha gandag&#616; s&#616;n&#816;a d&#616; lade d&#616; &#595;&#616;ley&#601;. I s&#616;n&#816;a d&#616; na&#771;y me du&#768;mbu me chow l&#601; nan&#816;e. S&#616;n&#816;a d&#616; ta di, i d&#616;n&#601; nare n&#601; Kanan day me, Hiti day me, Amori day me, Perisi day me, Hibi day me, Yebus day me ca. 9I s&#616;d&#616;, gura g&#616;n&#601; nare n&#601; Israyel day di n&#616;m ya&#769; &#616;ndara sum&#616;nn&#601; daa. Me g&#616;l&#601; day g&#616; d&#616;r&#616;n&#816; g&#616; nare n&#601; Ejibt&#616; g&#616;lg&#616; gand&#616;w di kaw, n&#601; y&#601;r g&#616; d&#616;r&#601;n me ca. 10Caga ka, so daa, ha, n&#601; giy&#616;m dole g&#616; Ejibt&#616; s&#616;w&#601; dara ba m&#601; walna nare ni n&#601; Israyel gand&#616;na gandag&#616; bam s&#616;n&#816;a d&#616; Ejibt&#616; l&#601;.&#187;</div><div class="p"> 11Me Moyis di way&#616;w Ma&#771;r&#816;i&#771; ba da: &#171;&#407;ndi da, n&#601; i wi me n&#601; ha ha&#769;ra &#42892;ywaa dole g&#616; Ejibt&#616; dara wa&#768;la g&#616; nare n&#601; Israyel ganda gandag&#616; bam s&#616;n&#816;a d&#616; Ejibt&#616; l&#601; di mo?&#187; 12&#407;r&#816;&#616; Ma&#771;r&#816;i&#771; way&#616;w ba da: &#171;N&#601; ha &#42892;ya l&#601; gand&#616;m. Me mani n&#601; ha a&#768;lala me m&#601; ha &#42892;wacn&#816;a n&#616;m dara ba n&#601; giy&#601;m &#616;ndi di me i ta: Dawa d&#616; m&#601; dara wa&#768;la nare n&#601; Israyel ganda gandag&#616; bam s&#616;n&#816;a d&#616; Ejibt&#616; l&#601; da, an&#601; ha m&#616;lawdan mana g&#616; kur&#816;a d&#616; i ka di d&#616;d&#601;.&#187;</div><div class="p"> 13Moyis way&#616;w Ma&#771;r&#816;i&#771; ba da: &#171;Lad&#616;. N&#601; ha ha&#769;ra &#42892;ywaa nare n&#601; Israyel wayag&#616; da: &#8220;I Ma&#771;r&#816;i&#771; g&#616;n&#601; mwa&#769;g&#616;rang day me giy&#601;n s&#616;d&#601;ng&#601; di an&#816;ju.&#8221; Me cendi u&#768;rn&#601;n ba da: &#8220;Ma&#771;r&#816;i&#771; gaba giy&#601;m di sum&#616;w i man mo?&#8221; da, n&#601; ha cwag&#616; l&#601; diiy&#601; man mo?&#187; 14Mwom da, Ma&#771;r&#816;i&#771; way&#616;w Moyis ba da: &#171;N&#601; i gun g&#616; n&#601; il&#601;. Doy, gwale g&#616; m&#601; ha wayag&#616; nare n&#601; Israyel di, i ta: &#8220;An&#816;ji g&#616; &#42892;wog&#616; sum&#616;w N&#601; il&#601; me giy&#601;n s&#616;d&#601;ng&#601; an&#816;ju.&#8221; 15&#394;ang da, m&#601; ha wayag&#616; da: &#8220;I Ma&#771;r&#816;i&#771; g&#616;n&#601; mwa&#769;g&#616;rang day, Ma&#771;r&#816;i&#771; g&#616;n&#601; Ab&#616;raham duwa me, g&#616;n&#601; Isak duwa me, g&#616;n&#601; Jakob duwa me giy&#601;n s&#616;d&#601;ng&#601; an&#816;ju. Sum&#616;w i Aba dama g&#616; d&#616;r&#601;w b&#616;r&#816;&#616;n&#816;.&#8221; Ta di me i sum&#616;n di g&#616; d&#616;r&#616;n&#816; b&#616;r&#816;&#616;n&#816;. Nare g&#616; swaa day swaa day ha &#42892;wagan g&#616; sumi g&#616; ta di g&#616; d&#616;r&#616;n&#816; b&#616;r&#816;&#616;n&#816;.</div><div class="p"> 16Caga da, so daa! M&#601; ha da&#769;ya nare n&#601; Israyel n&#601; d&#616;r&#601;g&#616; nagd&#616; dod&#601; me, m&#601; wayg&#616; da: &#8220;I Aba dama g&#616; d&#616;r&#601;w b&#616;r&#816;&#616;n&#816; di me g&#616;l&#601;n s&#616;w. I Ma&#771;r&#816;i&#771; g&#616;n&#601; mwa&#769;g&#616;rang day, Ma&#771;r&#816;i&#771; g&#616;n&#601; Ab&#616;raham duwa me, g&#616;n&#601; Isak duwa me, g&#616;n&#601; Jakob duwa me ca. An&#816;ji way ba a u b&#616;w ba a ha wang&#601; dara mani n&#601; nare n&#601; Ejibt&#616; il&#601; a&#768;lang gandag&#616; l&#601; mana g&#616; s&#616;n&#816;a dayy&#601; di. 17An&#816;ji way ba a ha walang ganda gandang bam s&#616;n&#816;a d&#616; Ejibt&#616; d&#616; g&#616; g&#616;l&#601;ng d&#616;r&#601;ng l&#601; di, me ba a ha ha&#769;ra gandang mana g&#616; s&#616;n&#816;a d&#616; i nare n&#601; Kanan day me, Hiti day me, Amori day me, Perisi day me, Hibi day me, Yebus day me ca. I s&#616;n&#816;a d&#616; na&#771;y me du&#768;mbu me chow l&#601; nan&#816;e.&#8221;</div><div class="p"> 18Mwom da, nare n&#601; Israyel n&#601; d&#616;r&#601;g&#616; nagd&#616; di ha y&#601;&#601; gwale d&#616;ma di le me, an&#601; ha ha&#769;ra m&#616;n &#42892;ywaa dole g&#616; Ejibt&#616; di me an&#601; ha wayaw ba da: &#8220;Aba dama g&#616; d&#616;r&#601;w b&#616;r&#816;&#616;n&#816; g&#616; i Ma&#771;r&#816;i&#771; g&#616;n&#601; nare n&#601; Eb&#616;r&#601; day ha&#769;ra g&#616;ra &#42892;yonin. Me caga da, n&#601; ha&#769;ranin u&#768;r&#616;m dara ba m&#601; kalnanin b&#616;rm&#601;, n&#601; a&#768;lnin wa&#769;la subu b&#616;rm&#601; l&#601; dara ha&#769;ra d&#616;n dwar&#816;&#616; l&#601;. N&#601; u&#768;rnin ba n&#601; hanin bwasa Aba dama g&#616; d&#616;r&#601;w b&#616;r&#816;&#616;n&#816; g&#616; i Ma&#771;r&#816;i&#771; nin di.&#8221; 19Me n&#601; &#42892;wocn&#816; com, dole g&#616; Ejibt&#616; di ha &#616;m&#601;ng ha&#769;ra di i bam. Dwana d&#616; geche dara &#599;waya d&#616;w le ba&#769; do me an&#816;ji ha kalang an&#601; ha ha&#769;ra s&#616;n&#816;. 20Yande da, n&#601; ha ya&#769;a &#616;s&#601;n mana g&#616; s&#616;n&#816;a d&#616; Ejibt&#616; l&#601; a&#768;la mani n&#601; a&#768;l la&#769;n&#816;a nan&#816; n&#601; d&#616;r&#601;g&#616; jiga jiga l&#601; mwom da, an&#816;ji ha kalang an&#601; ha ha&#769;ra s&#616;n&#816;. 21N&#601; ha a&#768;la kal nare n&#601; Ejibt&#616; a&#768;lna gandang dusi d&#616; lade dara daran &#616;ndi, me mana g&#616; an&#601; ha swaa daa dara ha&#769;ra da, an&#601; ha ha&#769;ra i &#616;s&#616;rang p&#601;g&#616;n&#816; b&#601;d&#601;. 22Deme d&#616; we we kaw ha u&#768;r&#601; id&#616; ciri d&#616;ra b&#616;d&#616; me, id&#616; dama gand&#616;d&#616; k&#616;r&#601; m&#616;n me mani day n&#601; g&#616; &#599;angr&#816;&#616;g&#616; g&#616; tuda me g&#616; jindar me, barge day me ca. Mani n&#601; ta di, an&#601; ha &#42892;ya&#768;g&#616;&#769; d&#616;nd&#616;rang n&#601; abje me n&#601; namde me, kalg&#616; g&#616; hurb&#616;na s&#616;d&#601;g&#616; l&#601;. Ta di da, an&#601; ha laya i mani n&#601; &#42892;ywaa n&#601;n&#601; nare n&#601; Ejibt&#616; day ha&#769;ra n&#616;m &#616;s&#616;rang&#601;.&#187;</div>
 </div>
 </div>
</div>

Moyis gɨdɨ aba gama bage nənə dyaməw abadɨ gɨ Jetɨro duwa. Jetɨro i aba bwasa Mãr̰ĩ mana gɨ sɨn̰a dɨ Madiyannə. Wála mɨn, Moyis ha gama bage mana gɨ dɨn tuldɨ dɨ alə ta lə kur̰a dɨnə Mãr̰ĩ duwa sɨdə ib. Kur̰a dɨ ta di, gɨ ꞌwogɨdɨ Horeb. Mana gɨ ta lə da, paja gɨnə Aba dama gɨ dɨrəw bɨr̰ɨn̰ duwa dɨmə gɨra gɨlɨw sɨw mana gɨ dùwa dɨ ꞌyo bilɨm bilɨm dwar̰ɨ lə. Me mani nə Moyis yərgɨ da, an̰ji yər i dùwa dɨ ꞌyo mana gɨ habda gɨ ɗwag ɗwag dalawə me ul habda gɨ ta di bədə. Yande da, Moyis ɨrɨm dusɨwə ba da: «Nə kwongɨ ha yara mani nə ɗan̰a nə i ta di. Dùwa di ilə ꞌywaa lə me, ul habda gɨ ɗwag ɗwag di bədə, dana mo?»
Aba dama gɨ dɨrəw bɨr̰ɨn̰ yər dara Moyis ilə kwanga lə dara hára yara mani nə ta di mwom da, an̰ji ꞌwogɨw mana gɨ habda gɨ ɗwag ɗwag di dalawə ba da: «Moyis! Moyis!» Me Moyis doyɨw lə diiyə ba da: «Wóy!» An̰ji wayɨw Moyis da: «Hare mana gɨ ka lə di ib bədə, n̰ir̰ɨbɨ gɨbande bam gɨdammə, dara mana gɨ mə ɗɨbɨ lə ka di, i mana ni gɨ nə biyɨw kalɨw jiga. Ɨndi di, nə i Mãr̰ĩ gɨnə abam duwa. Nə i Mãr̰ĩ gɨnə Abɨraham duwa me, gɨnə Isak duwa me, gɨnə Jakob duwa me ca.» Me Moyis di budɨ dɨrəw le, dara lán̰a àlɨwe, an̰ji nem ꞌwoo dɨrəw daa yara gɨ Mãr̰ĩ bədə.
Ɨr̰ɨ Aba dama gɨ dɨrəw bɨr̰ɨn̰ wayaw Moyis ɗang bi ba da: «Nə yər nare ni nə Israyel gɨlə day gɨ dɨrɨn̰ mana gɨ sɨn̰a dɨ Ejibtɨ lə me, nə doy gura day gɨ cendi bo dara gwaba gɨ nare nə Ejibtɨ gobɨgɨ di me ca. Wamani day di, nə ꞌwocn̰ com. I ta di me nə chə́ə yala nɨm dara kɨdəgɨ nɨm daa nare nə Ejibtɨ ɨsɨragɨ lə me, ba nə wolgɨ ha gandagɨ sɨn̰a dɨ lade dɨ ɓɨleyə. I sɨn̰a dɨ nãy me dùmbu me chow lə nan̰e. Sɨn̰a dɨ ta di, i dɨnə nare nə Kanan day me, Hiti day me, Amori day me, Perisi day me, Hibi day me, Yebus day me ca. I sɨdɨ, gura gɨnə nare nə Israyel day di nɨm yá ɨndara sumɨnnə daa. Me gɨlə day gɨ dɨrɨn̰ gɨ nare nə Ejibtɨ gɨlgɨ gandɨw di kaw, nə yər gɨ dɨrən me ca. Caga ka, so daa, ha, nə giyɨm dole gɨ Ejibtɨ sɨwə dara ba mə walna nare ni nə Israyel gandɨna gandagɨ bam sɨn̰a dɨ Ejibtɨ lə.»
Me Moyis di wayɨw Mãr̰ĩ ba da: «Ɨndi da, nə i wi me nə ha hára ꞌywaa dole gɨ Ejibtɨ dara wàla gɨ nare nə Israyel ganda gandagɨ bam sɨn̰a dɨ Ejibtɨ lə di mo?» Ɨr̰ɨ Mãr̰ĩ wayɨw ba da: «Nə ha ꞌya lə gandɨm. Me mani nə ha àlala me mə ha ꞌwacn̰a nɨm dara ba nə giyəm ɨndi di me i ta: Dawa dɨ mə dara wàla nare nə Israyel ganda gandagɨ bam sɨn̰a dɨ Ejibtɨ lə da, anə ha mɨlawdan mana gɨ kur̰a dɨ i ka di dɨdə.»
Moyis wayɨw Mãr̰ĩ ba da: «Ladɨ. Nə ha hára ꞌywaa nare nə Israyel wayagɨ da: “I Mãr̰ĩ gɨnə mwágɨrang day me giyən sɨdəngə di an̰ju.” Me cendi ùrnən ba da: “Mãr̰ĩ gaba giyəm di sumɨw i man mo?” da, nə ha cwagɨ lə diiyə man mo?» Mwom da, Mãr̰ĩ wayɨw Moyis ba da: «Nə i gun gɨ nə ilə. Doy, gwale gɨ mə ha wayagɨ nare nə Israyel di, i ta: “An̰ji gɨ ꞌwogɨ sumɨw Nə ilə me giyən sɨdəngə an̰ju.” Ɗang da, mə ha wayagɨ da: “I Mãr̰ĩ gɨnə mwágɨrang day, Mãr̰ĩ gɨnə Abɨraham duwa me, gɨnə Isak duwa me, gɨnə Jakob duwa me giyən sɨdəngə an̰ju. Sumɨw i Aba dama gɨ dɨrəw bɨr̰ɨn̰.” Ta di me i sumɨn di gɨ dɨrɨn̰ bɨr̰ɨn̰. Nare gɨ swaa day swaa day ha ꞌwagan gɨ sumi gɨ ta di gɨ dɨrɨn̰ bɨr̰ɨn̰.
Caga da, so daa! Mə ha dáya nare nə Israyel nə dɨrəgɨ nagdɨ dodə me, mə waygɨ da: “I Aba dama gɨ dɨrəw bɨr̰ɨn̰ di me gɨlən sɨw. I Mãr̰ĩ gɨnə mwágɨrang day, Mãr̰ĩ gɨnə Abɨraham duwa me, gɨnə Isak duwa me, gɨnə Jakob duwa me ca. An̰ji way ba a u bɨw ba a ha wangə dara mani nə nare nə Ejibtɨ ilə àlang gandagɨ lə mana gɨ sɨn̰a dayyə di. An̰ji way ba a ha walang ganda gandang bam sɨn̰a dɨ Ejibtɨ dɨ gɨ gɨləng dɨrəng lə di, me ba a ha hára gandang mana gɨ sɨn̰a dɨ i nare nə Kanan day me, Hiti day me, Amori day me, Perisi day me, Hibi day me, Yebus day me ca. I sɨn̰a dɨ nãy me dùmbu me chow lə nan̰e.”
Mwom da, nare nə Israyel nə dɨrəgɨ nagdɨ di ha yəə gwale dɨma di le me, anə ha hára mɨn ꞌywaa dole gɨ Ejibtɨ di me anə ha wayaw ba da: “Aba dama gɨ dɨrəw bɨr̰ɨn̰ gɨ i Mãr̰ĩ gɨnə nare nə Ebɨrə day hára gɨra ꞌyonin. Me caga da, nə háranin ùrɨm dara ba mə kalnanin bɨrmə, nə àlnin wála subu bɨrmə lə dara hára dɨn dwar̰ɨ lə. Nə ùrnin ba nə hanin bwasa Aba dama gɨ dɨrəw bɨr̰ɨn̰ gɨ i Mãr̰ĩ nin di.” Me nə ꞌwocn̰ com, dole gɨ Ejibtɨ di ha ɨməng hára di i bam. Dwana dɨ geche dara ɗwaya dɨw le bá do me an̰ji ha kalang anə ha hára sɨn̰. Yande da, nə ha yáa ɨsən mana gɨ sɨn̰a dɨ Ejibtɨ lə àla mani nə àl lán̰a nan̰ nə dɨrəgɨ jiga jiga lə mwom da, an̰ji ha kalang anə ha hára sɨn̰. Nə ha àla kal nare nə Ejibtɨ àlna gandang dusi dɨ lade dara daran ɨndi, me mana gɨ anə ha swaa daa dara hára da, anə ha hára i ɨsɨrang pəgɨn̰ bədə. Deme dɨ we we kaw ha ùrə idɨ ciri dɨra bɨdɨ me, idɨ dama gandɨdɨ kɨrə mɨn me mani day nə gɨ ɗangr̰ɨgɨ gɨ tuda me gɨ jindar me, barge day me ca. Mani nə ta di, anə ha ꞌyàgɨ́ dɨndɨrang nə abje me nə namde me, kalgɨ gɨ hurbɨna sɨdəgɨ lə. Ta di da, anə ha laya i mani nə ꞌywaa nənə nare nə Ejibtɨ day hára nɨm ɨsɨrangə.»

Escolta Kɨrara gɨ daa (Exode) 3