ROMANOS 1

Tamaraeme

1Che Pablo, Jesucristo jembiokuai. Jae cheparavo jemimondorä, jare cheñono tee amoërakua vaerä Tumpa iñee ikavi vae, 2jae güɨrökuavee arakae güive iñeemombeúa reta Tumpa Iñee oyapo vae rupi, 3Taɨ Jesucristo regua. Jae ko ou David#Mt 1.1; 12.23. iñemuña reta rupi kuae ɨvɨ pe. 4Ërei jae oyekuaa Tumpa Taɨ imbaepuere yae vae Espíritu Santo rupi. Jókuae oyekuaa, oikove ye yave omanogüe reta ipɨte güi.

5Jesucristo rupi Tumpa omee oreve ipɨakavi jare oremondo romoërakua vaerä opaete vae tëtaguasu pegua reta pe, oporogüɨrovia reta vaerä, Tumpa jee omboete reta vaerä. 6Jare pe reta vi ko jae. Echa Tumpa peparavo, peiko vaerä Jesucristo imbaerä. 7Aikuatía kuae tupapire opaete Roma pe peiko vae pe. Tumpa peraɨu jare peñono tee iyeupeguarä vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Pablo ikɨ̈reɨ ojo Roma pe

8Tenonde ete amee yasoropai Tumpa pe Jesucristo rupi peré, echa jërakua peporogüɨrovia opaete ɨvɨ rupi. 9Che ayeokuai Tumpa pe opaete chekɨ̈reɨ reve. Echa amombeu ïru vae reta pe ñee ikavi vae Tumpa Taɨ regua. Jae oikuaa kërai ayerure avei chupe peré vae. 10Jare ayerure vi aja vaerä apou pépɨri Tumpa jemimbota rupi, 11echa aipota poecha, pomborɨ vaerä penoi Espíritu imbaepuere, peñemomɨ̈rata vaerä. 12Jare körai ñañomomɨ̈rata vaerä mborogüɨrovia pe. Echa pe reta peporogüɨrovia che aporogüɨrovia rami.

13Cherɨvɨ reta, aipota peikuaa kërai che mbovɨ ye ma ayupavo tëi aja vaerä pépɨri#Hch 19.21. (ërei jekuaeño mbae chemboavai), echa aipota ayeokuai Cristo pe pepɨte pe, ïru judiombae vae reta ipɨte rupi ayeokuai rami. 14Echa chepía ko Cristo pe ayeokuai vaerä griego reta jare griegombae vae reta pe, iyarakuaa vae reta jare iyarakuaambae vae reta pe. 15Jáeramo che aipota yae amombeu ñee ikavi vae pe Roma pe peiko vae reta pe.

Ñee ikavi vae imbaepuere

16Mbaetɨ aromara#Mc 8.38. ñee ikavi vae. Echa Tumpa imbaepuere ko,#1 Co 1.18. opaete güɨrovia vae reta güɨnoi vaerä yemboasa. Tenonde ete judío reta, jaɨkue rupi judiombae vae reta. 17Echa ñee ikavi vae omombeu yandeve kërai Tumpa yandembojupi ko yarovia yave. Echa Tumpa Iñee pe oyekuatía oï körai: “Tumpa ombojupi vae güɨnoita tekove#Hab 2.4. oporogüɨrovia ramo.”

Ɨvɨ pegua reta iyoa

18Tumpa iyarasɨ oyekuaa ara güi opaete jupimbae vae reta kotɨ jare ikavimbae vae oyapo vae reta kotɨ. Echa jae reta omboavai añete vae, ikavimbae vae oyapo reta vae rupi. 19Opaete vae oikuaa Tumpa regua vae oyekuaa ko chupe reta. Echa Tumpa etei oikuaauka chupe reta. 20Echa jae oyekuaambae vae jare imbaepuere opambae vae, jare jae ko Tumpa vae, oyekuaa kavi yae ɨvɨ oyeapo güive. Ɨvɨ pegua reta oikuaa opaete mbaembae Tumpa oyapo vae rupi. Jáeramo mbaetɨ metei ave ipuere jei: “Mbaetɨ ko aikuaa.” 21Oikuaa reta tëi Tumpa, ërei jeseve mbaetɨ omboete. Omeeä vi yasoropai chupe. Ërei ipɨa pe oyemongeta reta iyarakuaambae rami, jare iyemongeta reta opa oyembopɨtumimbi.#Ef 4.17-18. 22Iyarakuaa katu yae reta oyeapo, ërei iyarakuaambae vae reta ko. 23Echa oipoepɨ reta Tumpa oikove avei vae iyemboetea,#Sal 106.20; Jer 2.11. kuimbae oikove aveimbae vae iä pe, güɨra iä pe, mbaemɨmba iä pe jare mɨmba ipɨtía re oguata vae iä pe.#Dt 4.16-18.

24Jáeramo Tumpa omboeterenga teko ikavimbae yae vae pe, ipɨa jemimbota pe, jökorai omboeteä jete oyoupii imarata tëi jese vae. 25Tumpa añete vae regua oipoepɨ reta apu pe. Omboete reta Tumpa jembiapo reta jare oyeokuai reta chupe, omboete vaerägüe Tumpa; jae ko oyemboeteuka jekuae avei pegua vae. Amén.

26Jáeramo Tumpa omboeterenga reta teko pɨ̈chɨi yae imarata tëi jese vae pe. Echa ikuña reta ave opoko oyoe; oyapo reta oyoupii agüɨyeta tëi oyapo vae. 27Jaeramiño vi kuimbae reta, kuña re opoko vaerägüe, oyopota oyoupii jare oyapo reta imarata tëi jese vae. Jökorai jae reta etei oiporara jete pe ikavi vae güi opia jeko pegua.

28Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae. 29Tɨnɨe ñogüɨnoi opaete jupimbae vae pe, aguasa pe, teko pɨ̈chɨi pe, mbaepotarai pe, ikavimbae pe. Iyakatúä reta ïru re vae pe, mboroyuka pe, ñerarose pe, mborombotavɨ pe, ñee kavimbae pe, 30mboroangao pe, yepopeyuse pe, omotareɨ reta Tumpa, mboroyóyai yóyai pe, pɨapochɨ pe, pɨayemboete pe, ipoki yae oyapo reta vaerä ikavimbae vae pe, tu jare ichɨ jeigüe oyapombae vae pe. 31Arakuaambae pe, jei oyapo vaerä vae oyapombae vae, iporoaɨumbae vae, ipɨa pïrimbae yae vae, iporopararekombae vae. 32Kuae reta oikuaa tëi Tumpa jei kërai jókuae ikavimbae iyapoa reta omano tai ko. Ërei jae reta jeieteño oyapo jare ipɨakatu reta vi jókuae nunga iyapoa reta ndive.

বর্তমানে নির্বাচিত:

ROMANOS 1: GUABD

হাইলাইট

কপি