ᒨᓯᓯ ᓯᕗᓪᓖᑦ 5
5
ᐋᑕᒥᐅᑉ ᑭᖑᕚᖏᑦ
ᑯᕉᓂᑲ ᓯᕗᓪᓖᑦ 1:1-4
1 #
ᒨᓯᓯ ᓯᕗᓪᓖᑦ 1:27,28. ᐅᑯᐊ ᑕᕝᕙ ᐋᑕᒥᐅᑉ ᑭᖑᕚᖏᑕ ᑎᑎᕋᖅᑕᐅᓯᒪᓂᖏᑦ ᐃᒤᓕᖓᕗᑦ. ᒎᑎ ᐃᓄᖕᒥᒃ ᓴᓇᒐᒥ, ᐃᒻᒥᓄᑦ ᐊᑦᔨᐅᑎᓪᓗᒍ ᓴᓇᓚᐅᕐᖕᒪᑦ. 2#ᒫᑎᐅᓯ 19:4; ᒫᑯᓯ 10:6.ᑕᕝᕙ ᐱᓐᖑᖅᑎᓚᐅᖅᐹᒃ ᐊᖑᓪᓗ ᐊᕐᖕᓇᕐᓗ, ᓮᒻᒪᖅᑎᓪᓗᒋᒡᓗ, ᑍᓪᓗᒋᒡᓗ “ᐃᓄᖕᓂᒃ.” ᐱᓐᖑᖅᑎᑕᐅᓯᒪᓕᖅᑎᓪᓗᒋᒃ. 3ᐋᑕᒥᓕ ᐊᕐᕌᒍᖃᓕᖅᓗᓂ 130ᓂᒃ, ᐃᕐᖕᓂᖃᓚᐅᖅᐳᖅ ᐃᒻᒥᑐᑦ ᑕᐅᑦᑐᓕᖕᒥᒃ,#5:3 ᑖᑦᓱᑐᓇᖅ ᑕᐅᑦᑐᓕᖕᒥᒃ ᐅᕝᕙᓗ ᑖᑦᓱᑐᓇᖅ ᑍᒤᑦᑐᒥᒃ ᑖᓐᓇᓗ ᐊᑎᖃᖅᑎᖕᐹ ᓰᑎᒥᒃ. 4ᐋᑕᒥᓗ ᐃᓅᑎᓪᓗᒍ ᐃᕐᖕᓂᖅᑖᓚᐅᖅᓗᓂ ᓰᑎᒥᒃ ᓱᓕ ᐃᓅᓚᐅᖅᐳᖅ ᐊᕐᕌᒍᓂᒃ 800ᓂᒃ: ᓱᓕᓗ ᐊᓯᖏᓐᓂᒃ ᐃᕐᖕᓂᖅᑖᖅᑐᓚᐅᖅᐳᖅ ᐸᓂᒃᑖᖅᑐᖅᓗᓂᓗ. 5ᑕᕝᕙ ᐋᑕᒥᐅᑉ ᐃᓅᓚᐅᖅᑕᖏᑦ ᐊᕐᕌᒍᑦ 930ᐅᓚᐅᖅᐳᑦ; ᑐᖁᓪᓗᓂᓗ.
6ᓰᑎᓕ ᐊᕐᕌᒍᖃᓕᖅᓗᓂ 105ᓂᒃ, ᐃᕐᖕᓂᖅᑖᓚᐅᖅᐳᖅ ᐊᑎᖃᖅᑐᒥᒃ ᐃᓅᓯᒥᒃ, 7ᑕᒪᑐᒪᓗ ᑭᖑᓂᖓᒍᑦ ᓰᑎ ᐃᓅᒃᑲᓐᓂᓚᐅᖅᐳᖅ ᐊᕐᕌᒍᓂᒃ 807ᓂᒃ. ᐊᓯᖏᓐᓂᒡᓗ ᐃᕐᖕᓂᖅᑖᖅᑐᓚᐅᖅᐳᖅ ᐸᓂᒃᑖᖅᑐᖅᓗᓂᓗ. 8ᑕᕝᕙ ᓰᑎᐅᑉ ᐃᓅᓚᐅᖅᑕᖏᑦ ᐊᕐᕌᒍᑦ 912ᓚᐅᖅᐳᑦ; ᑐᖁᓪᓗᓂᓗ.
9ᐃᓅᓯᓕ ᐊᕐᕌᒍᖃᓕᖅᓗᓂ 90ᓂᒃ, ᐃᕐᖕᓂᖅᑖᓚᐅᖅᐳᖅ ᐊᑎᖃᖅᑐᒥᒃ ᑮᓇᓂᒥᒃ, 10ᑮᓇᓂᓕ ᐃᕐᖕᓂᖅᑖᕆᓚᐅᖅᓗᓂᐅᒃ ᓱᓕ ᐊᕐᕌᒍᓂᒃ 815ᓂᒃ ᐃᓅᒃᑲᓐᓂᓚᐅᖅᐳᖅ, ᐊᓯᖏᓐᓂᒡᓗ ᐃᕐᖕᓂᖅᑖᖅᑐᓚᐅᖅᐳᖅ ᐸᓂᒃᑖᖅᑐᖅᓗᓂᓗ. 11ᑕᕝᕙ ᐃᓅᓯᐅᑉ ᐃᓅᓚᐅᖅᑕᖏᑦ ᐊᕐᕌᒍᑦ 905ᖑᓚᐅᖅᐳᑦ; ᑐᖁᓪᓗᓂᓗ.
12ᑮᓇᓂᓕ ᐊᕐᕌᒍᖃᓕᖅᓗᓂ 70ᓂᒃ, ᐃᕐᖕᓂᖅᑖᓚᐅᖅᐳᖅ ᐊᑎᖃᖅᑐᒥᒃ ᒪᕼᐊᓚᓕᐅᓪᒥᒃ, 13ᑕᒪᑐᒪᓗ ᑭᖑᓂᖓᒍᑦ ᓱᓕ ᒪᕼᐊᓚᓕᐅᓪ ᐃᓅᓚᐅᖅᑎᓪᓗᒍ ᑮᓇᓂ ᐊᕐᕌᒍᓂᒃ 840ᓂᒃ ᐃᓅᒃᑲᓐᓂᓚᐅᖅᐳᖅ, ᐊᓯᖏᓐᓂᒡᓗ ᓱᓕ ᐃᕐᖕᓂᖅᑖᖅᑐᓚᐅᖅᐳᖅ ᐸᓂᒃᑖᖅᑐᖅᓗᓂᓗ. 14ᑕᕝᕙ ᑮᓇᓂᐅᑉ ᐃᓅᓚᐅᖅᑕᖏᑦ ᐊᕐᕌᒍᑦ 910ᐅᓚᐅᖅᐳᑦ; ᑐᖁᓪᓗᓂᓗ.
15ᒪᕼᐊᓚᓕᐅᓗ ᐊᕐᕌᒍᖃᓕᖅᓗᓂ 65ᓂᒃ, ᐃᕐᖕᓂᖅᑖᓚᐅᖅᐳᖅ ᐊᑎᖃᖅᑐᒥᒃ ᔮᕆᑦᒥᒃ, 16ᒪᕼᐊᓚᓕᐅᓪ ᓱᓕ ᐃᓅᒃᑲᓐᓂᓚᐅᖅᐳᖅ ᔮᕆᑦ ᐃᓅᓯᒪᓕᖅᑎᓪᓗᒍ ᐊᕐᕌᒍᓂᒃ 830ᓂᒃ, ᐊᓯᖏᓐᓂᒡᓗ ᓱᓕ ᐃᕐᖕᓂᖅᑖᖅᑐᓚᐅᖅᐳᖅ ᐸᓂᒃᑖᖅᑐᖅᓗᓂᓗ. 17ᑕᕝᕙ ᒪᕼᐊᓚᓕᐅᓪ ᐃᓅᓚᐅᖅᑕᖏᑦ ᐊᕐᕌᒍᑦ 895ᖑᓚᐅᖅᐳᑦ; ᑐᖁᓪᓗᓂᓗ.
18ᔮᕆᑦᓗ ᐊᕐᕌᒍᖃᓕᖅᓗᓂ 162ᓂᒃ, ᐃᕐᖕᓂᖅᑖᓚᐅᖅᐳᖅ ᐊᑎᖃᖅᑐᒥᒃ ᐃᓅᑭᒥᒃ, 19ᔮᕆᑦ ᓱᓕ ᐊᕐᕌᒍᓂᒃ 800ᓂᒃ ᐃᓅᒃᑲᓐᓂᓚᐅᖅᐳᖅ, ᐃᓅᑭ ᐃᓅᓯᒪᓕᖅᑎᓪᓗᒍ, ᐊᓯᖏᓐᓂᒡᓗ ᓱᓕ ᐃᕐᖕᓂᖅᑖᖅᑐᓚᐅᖅᐳᖅ ᐸᓂᒃᑖᖅᑐᖅᓗᓂᓗ. 20ᑕᕝᕙ ᔮᕆᑦ ᐃᓅᓚᐅᖅᑕᖏᑦ ᐊᕐᕌᒍᑦ 962ᖑᓚᐅᖅᐳᑦ; ᑐᖁᓪᓗᓂᓗ. 21ᐃᓅᑭᓗ ᐊᕐᕌᒍᖃᓕᖅᓗᓂ 65ᓂᒃ, ᐃᕐᖕᓂᖅᑖᓚᐅᖅᐳᖅ ᐊᑎᖃᖅᑐᒥᒃ ᒥᑑᓴᓚᒥᒃ. 22ᐃᓅᑭ ᒎᑎᒥᒃ ᐃᓅᖃᑎᖃᓚᐅᖅᐳᖅ ᒥᑑᓴᓚᐅᑉ ᐃᓅᓂᖓᑕ ᑭᖑᓂᖓᓂ ᐊᕐᕌᒍᓂᒃ 300ᓂᒃ, ᐊᓯᖏᓐᓂᒡᓗ ᓱᓕ ᐃᕐᖕᓂᖅᑖᖅᑐᓚᐅᖅᐳᖅ ᐸᓂᒃᑖᖅᑐᖅᓗᓂᓗ. 23ᐃᓅᑭᓗ ᐃᓅᓚᐅᖅᐳᖅ ᐊᕐᕌᒍᓂᒃ ᓱᓕ 365ᓂᒃ. 24#ᐄᑉᕈᐃᓄᑦ 11:5; ᔫᑎᐅᑉ 1:14.ᐃᓅᑭ ᒎᑎᒥᒃ ᐃᓅᖃᑎᖃᑦᓯᐊᖅᓗᓂ ᐃᓅᓚᐅᕋᒥ; ᑐᖁᓚᐅᕋᓂ ᐊᓯᐅᓚᐅᖅᐳᖅ, ᒎᑎᐅᑉ ᐊᐅᓪᓚᕈᑎᓚᐅᕐᖕᒪᒍ.
25ᒥᑑᓴᓚᓗ ᐊᕐᕌᒍᖃᓕᖅᓗᓂ 187ᓂᒃ, ᐃᕐᖕᓂᖅᑖᓚᐅᖅᐳᖅ ᐊᑎᖃᖅᑐᒥᒃ ᓔᒥᑭᒥᒃ, 26ᒥᑑᓴᓚᓗ ᓱᓕ ᐊᕐᕌᒍᓂᒃ 782ᓂᒃ ᐃᓅᒃᑲᓐᓂᓚᐅᖅᐳᖅ, ᓔᒥᑭᐅᑉ ᐃᓅᓂᖓᑕ ᑭᖑᓂᖓᓂ, ᐊᓯᖏᓐᓂᒡᓗ ᓱᓕ ᐃᕐᖕᓂᖅᑖᖅᑐᓚᐅᖅᐳᖅ ᐸᓂᒃᑖᖅᑐᖅᓗᓂᓗ. 27ᑕᕝᕙ ᒥᑑᓴᓚᐅᑉ ᐃᓅᓚᐅᖅᑕᖏᑦ ᐊᕐᕌᒍᑦ 969ᖑᓚᐅᖅᐳᑦ; ᑐᖁᓪᓗᓂᓗ.
28ᓔᒥᑭᓕ ᐊᕐᕌᒍᖃᓕᖅᓗᓂ 182ᓂᒃ, ᐃᕐᖕᓂᖅᑖᓚᐅᖅᐳᖅ. 29ᐊᑎᖃᖅᑎᓪᓗᒍᓗ ᓄᐊᒥᒃ, ᐅᖃᖅᓗᓂ, “ᑕᒫᓐᖓᑦ ᓄᓇᒥᑦ ᐊᑕᓂᐅᑉ ᓇᕐᕈᓇᖅᓯᑎᓚᐅᖅᑕᖓᓂᑦ, ᑖᓐᓇ ᓄᑕᕋᖅ ᐅᖁᒤᒃᓴᕐᖕᓂᑦᑎᓐᓂᑦ ᓴᐳᑦᔨᔪᒫᖅᐳᖅ ᑕᒤᓐᓂᑦ ᐊᒃᓱᕈᖅᓗᑕ ᐱᓇᓱᐊᕐᖕᓂᕆᕙᒃᑕᑦᑎᓐᓂᑦ.” 30ᓔᒥᑭᓗ ᓱᓕ ᐊᕐᕌᒍᓂᒃ 595ᓂᒃ ᐃᓅᒃᑲᓐᓂᓚᐅᖅᐳᖅ ᓄᐊ ᐃᓅᓯᒪᓕᖅᑎᓪᓗᒍ. ᐊᓯᖏᓐᓂᒡᓗ ᓱᓕ ᐃᕐᖕᓂᖅᑖᖅᑐᓚᐅᖅᐳᖅ ᐸᓂᒃᑖᖅᑐᖅᓗᓂᓗ. 31ᑕᕝᕙ ᓔᒥᑭᐅᑉ ᐃᓅᓚᐅᖅᑕᖏᑦ ᐊᕐᕌᒍᑦ 777ᖑᓚᐅᖅᐳᑦ; ᑐᖁᓪᓗᓂᓗ.
32ᓄᐊᓕ ᐊᕐᕌᒍᖃᓕᖅᓗᓂ 500ᓂᒃ, ᐃᕐᖕᓂᖅᑖᓚᐅᖅᐳᖅ ᓰᒥᒥᒃ, ᕼᐋᒥᒥᒡᓗ, ᔮᐱᑎᒥᒡᓗ.
বর্তমানে নির্বাচিত:
ᒨᓯᓯ ᓯᕗᓪᓖᑦ 5: EAIB
হাইলাইট
শেয়ার
কপি
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.