1 Mose 8
8
1Buna Nzambi wubambukila Nowa moyo ayi bulu bibio biyodama ayi bi nsitu biba yandi mu masuwa. Nzambi wuvemuna phemo va ntoto ayi nlangu wutona dekuka. 2Zitho zi phinda zi minlangu ayi nela zi zulu zizibama. Mvula yilembo noka. 3Minlangu mitona sika va ntoto malembe malembe. Diawu, khama mosi ayi makumi matanu ma bilumbu landila khuka nlangu, minlangu mitona sika. 4Mu ngondi yi tsambudi, mu lumbu kikumi tsambudi, masuwa matelama va miongo mi tsi Alalati. 5Minlangu mitatamana sika nate mu ngondi yikumi. Mu ngondi yikumi, mu lumbu kithete ki ngondi, zimbata zi miongo zimonika.
6Makumi maya mabilumbu bu mavioka, Nowa wuzibula nela yi masuwa ma kavanga. 7Wudumuna ngoni-ngoni, yiyenda ayi yivutuka khumbu ziwombo, ayi vingila nate nlangu wumana sika va ntoto. 8Buna wudumuna dibembi mu tala kani nlangu wumeni dekuka va mbata ntoto. 9Vayi dibembe disi baka ko fulu kikalenda tedimisa malu mandi, divutuka mu masuwa kudi Nowa, bila nlangu wuba wuwombo va mbata ntoto wuwo. Nowa wunonuna koko, wubonga dibembe mu kudikotisa mu masuwa. 10Wuvingila diaka tsambudi bilumbu binkaka ayi wudumuna diaka dibembe ku nganda masuwa. 11Dibembe divutuka kudi niandi mu masika, ayi tala, dinata dieza di nti olive dikhunzu mu koto kiandi. Buna Nowa wuzaba ti nlangu wumeni dekuka va ntoto. 12Wuvingila diaka tsambudi bilumbu binkaka, ayi wudumuna dibembe. Vayi disi bue vutuka ko kudi niandi.
13Tona lumbu kithete kimvu kidukisa Nowa khama sambanu mvu mosi, nlangu wuyuma va ntoto. Nowa wubotula muanzu wu masuwa mu tala, buna wumona ti ntoto wumeni yuma. 14Mu ngondi yinzole, mu lumbu ki makumi mole tsambudi, ntoto wuyuma.
15Buna Nzambi wukamba Nowa: 16«Totuka mu masuwa, ngeyo, nketo aku, bana baku babakala ayi bazitu baku. 17Totula bibulu bibio bidi yaku, ntindu mimio mi zinuni, bibulu binene ayi bifioti binzanzalanga va ntoto muingi bimana muangana va mbata ntoto, bibutana ayi binieka.» 18Nowa wutotuka mu masuwa, ayi bana bandi ba babakala, nketo andi ayi bazitu bandi. 19Bibulu bibio, bibulu bifioti, zinuni zizio ayi bibio binzanzalanga va ntoto, bimana totuka mu masuwa banga bubela makanda mawu.
20Nowa wutungila Yave ziku. Wubonga ndambu ndambu mu bibulu bivedila ayi mu zinuni zivedila mu vika minkayilu va ziku. 21Yave wuwa tsudi lueki yi nkayilu wowo ayi wukikamba: «Tona buabu ndilendi buela singa ntoto ko mu diambu di mutu. Bila mu kedika, mabanza ma mutu mabaluka mu mambi tona kimuana kiandi. Vayi ndilendi buela fukisa ko bibio bidi moyo banga buphengi.
22Tona buabu,
Kuna ayi yonzika,
Kiozi kingolo ayi ndukutila,
Mvula ayi sivu,
Muini ayi builu
Bilendi lembo ko va ntoto.»
বর্তমানে নির্বাচিত:
1 Mose 8: YOM-CD
হাইলাইট
শেয়ার
কপি
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
