Ruuka 21

Omugabho gwa omugasi omukimari

(Maariko 12:41-44)

1Bhunu Yeesu ꞉aariga ari mw-iyekaru, ꞉aarorere abhaniibhi mbatuuraga emigabho#21:1 Emigabho. Ringira riingʼana rinu mu-Mangʼana Amakomeeye. gyebhwe mw-isandiko rya okusoosisha-mo emigabho. 2ˆNaarora mukimari wumwi omutobhu. Omugasi uyo weeki ˆnaatuura-mo nchapa ebhiri#21:2 Nchapa ebhiri. ꞉Gyariga giri na ekibharo kitooto okukira giiyera gyone kutyo egya mu-kabhaga kayo. era. 3Kimwi Yeesu ˆnaaika ati, “Enibhabhwira kimari ati, omukimari omutobhu unu, aasoosha yera nyafu okukira bhoone kutyo. 4Enaaika kutyo kwa okubha abhandi bhoone kutyo bhaasoosha bhitooto era ku-bhiinu bhyebhwe ebhyafu. Nawe omugasi omukimari unu ku-bhutobhu bhwaye, aasoosha bhyone kutyo bhinu ari nabhyo!”

Yeesu kaaikira riiyekaru rya Nyamuwanga okukamburwa

(Mataayo 24:1-2; Maariko 13:1-2)

5Abheeyigira abhandi abha Yeesu, ꞉bhaariga mbaaikira riiyekaru, kutyo ꞉ryariga riri na amagina amajomu, amwi na ebhiinu bhya ekibharo bhinu abhaanu ꞉bhaasoosishaga Nyamuwanga. Nawe Yeesu ˆnaaika ati, 6“Goone kutyo gayo omurora, ginsiku egiija mutarirora-wo egina risigaaye ku-rindi. Goone kutyo garikamburwa!”

Yeesu kaaikira ebhinyansho bhya abheeyigira bhaaye

(Mataayo 24:3-14; Maariko 13:1-13)

7Abhaanu bhayo mbabhuusha Yeesu ati, “Omwiyigisha, amangʼana gayo garibha-wo rusukuki? Ni kimenyegeshoki, ekiija okweresha ati amangʼana gayo gari ayeeyi okubha-wo?”

8Yeesu ˆnaabhabhwira ati, “Mwiyangarire, mwasiga okujimibhwa! Abhaanu bhaafu bhariija kw-isiina ryani, wumwiwumwi ˆnaaikaga ati, ‘Ni anye Kiriisitu!’ Kweki, bharyaika ati, ‘Akabhaga kaayikire ayeeyi!’ Abhaanu bhayo, musige okubhaja-ko! 9Na bhunu muryungwa amangʼana ga amaremo, na aga obhusoko mu-bhaanu, musige okuubhaya. Gayo okubha-wo, garibha-wo, nawe obhuteero bhwa amangʼana goone kutyo, obhubha bhukyari.”

10Yeesu ˆnaagenderera okwaika ati, “Ekyaro ekimwi, ekiija okurwana na ekindi, na obhukama obhumwi, obhuuja okurwana na obhundi. 11Garibha-wo gaanyamutikima mbaara nyafu mu-kyaro, injara na amarwara amabhiibhi aga okuturira. Na bhiribha-wo ebhimenyegesho okusooka mu-rwire, na abhaanu bharirora amangʼana ga okuubhayisha muno.

12“Nawe gayo goone kutyo gakyari okubha-wo, abhaanu bharibhasira mu-masunagoogi, na okubhabhoya mu-jeera, mbabhanyanshaga. Na murisirwa imbere wa abhakama na abhatungi, kwa okubha ati emwe muri bheeyigira bhaani. 13Mu-kabhaga kayo niwe murinyoora omwanya gwa okubhabhwira amangʼana gaani.

14“Woori, muramure mu-mitima gyemwe, musige okwiganiirisha muno kutyo muraasubhyega mu-kabhaga ka okwibhagira. 15Kwa okubha anye omwene, niribhayaana obhwenge na amangʼana aga okwaika. Amangʼana gayo, abhasoko bheemwe bhataritura okuyajana nago, amwi ati okugarema. 16Mu-kabhaga kayo abheebhusi bheemwe, abhaana bhaanyu, abhayiiri bheemwe na abhasaani bheemwe, bharibharya injeejemo mbabhagura. Mw-imwe, abhandi bhariitwa. 17Abhaanu bhoone kutyo bharibhasoka ku-nsonga yaani. 18Nawe, rufwiri rwa ku-mitwe gyemwe rutaribhura na rumwi! 19Na murisimbiira, muryerusibhwa.”

Iinyanko inu irinyoora omusi gwa Yerusareemu

(Mataayo 24:15-21; Maariko 13:14-19)

20“Bhunu murirora omusi gwa Yerusareemu gusingiiywe na abhasirikare, niwe murimenya ati akabhaga ka okunyamurwa kwagwo kari ayeeyi. 21Ayo niwe bhanu bhari Ebhuyawudi, bhabhirimire mu-bhiima. Bhanu bhari mu-musi gwa Yerusareemu, bhasooke-mo bhwangu, na bhanu bhari mu-masambu, bhaasiga okusubha mu-musi muyo. 22Kwa okubha, ginsiku giyo ni nsiku gya ebhirusho, insonga amangʼana goone kutyo ganu ꞉gaakaamirwe na abharagi bha akara gakuumire. 23Garibhanyoora, abhagasi bha ginda na bhanu bharineenʼyaga mu-nsiku giyo! Kwa okubha eyiija okubha-wo nyanko nene muno, na riisungu rya Nyamuwanga ririijira abhaanu bha ekyaro kinu. 24Abhaanu abhandi, bhariitwa na ebhiraawa. Na abhandi, bharigwatwa mbasirwa mu-bhyaro ebhindi. Abhaanu bha mu-bhyaro ebhindi bhariija mbatunga Yerusareemu managa, okuyikira anu ginsiku gya okubhatunga girikuumira.”

Okuuja kwa Omwana wa Adaamu

(Mataayo 24:29-31; Maariko 13:24-27)

25“Bhiribha-wo ebhimenyegesho kw-isuubha, ku-kwesi, na ku-njota. Na mu-kyaro anu, giinyanja giribha na amabhooka muno, ngiyiriraga. Okuriingʼaana na gayo goone kutyo, abhaanu bhanu bhatari Bhayawudi bharinyoora nyanko nene na ekiyayo. 26Gayo goone kutyo, bhunu gariija ku-kyaro kunu, abhaanu bharyubhaya muno. Na emitima gyebhwe girifwa okuriingʼaana na ebhikangyo, mbarindiriraga okuyikirwa na amangʼana amabhiibhi mu-kyaro, kwa okubha Nyamuwanga arisingisha amanaga ga ku-rwire.

27“Ayo niwe abhaanu bharirora Omwana wa Adaamu ˆnaajaga ari ku-meere, ari na amanaga na obhugungyo bhwafu. 28Mmbe, mukaamba okurora amangʼana gayo goone kutyo, musaasamuke, muragamire, kwa okubha akabhaga keemwe aka okutuuribhwa karibha karebhereeye okuyika!”

Ekirengekanyo kya riiti rya riitiini

(Mataayo 24:32-35; Maariko 13:28-31)

29Niwe, Yeesu ˆnaabhwira abheeyigira bhaaye ekirengekanyo, ˆnaaikaga ati, “Muringire riiti rya riitiini, na amati agandi goone kutyo. 30Mukarora ngamba okutuura-ko obhuuja, niwe mumenya ati akabhaga ka okugesa kari ayeeyi. 31Nikwo kutyo emwe mwone mukarora amangʼana gayo ngamba okubha-wo, mumenye ati, obhukama bhwa Nyamuwanga bhuri ayeeyi. 32Enibhabhwira ekimari ati, orwibhuro runu rutakuyitiingʼana, amangʼana ganu goone kutyo gakyari okukuumira. 33Orwire na ekyaro bhiriyitiingʼana, nawe amangʼana gaani garirama kajaanende!

34“Mwikenge, emitima gyemwe gitaaja okusingwa na obhuwubhaaru, na obhukorwa, na iinyanko ya mu-bhurame bhunu. Kimwi mutaka era orusuku rwa obhuteero ndubhayikira ndubhagwata rwa intyanyi ku-rutuura! 35Orusuku ruyo, nikwo kutyo ruriijira abhaanu bhoone kutyo abha mu-kyaro kigima. 36Mmbe woori, mwiyangarire mu-kabhaga koone kutyo, musaasaamaga Nyamuwanga ati, abhasakire mwikenge amangʼana ganu garibha-wo. Mukasooka-mo niwe muritura okuyambaara mutari na bhuubha mu-meeso ga Omwana wa Adaamu.”

37Ku-nsiku giyo, Yeesu ꞉aariga ˆneeyigisha abhaanu mw-ibhanja rya riiyekaru mu-nsa gya mu-mwisi. Mu-ngeta ꞉aariga ˆnaagenda okuwongera mu-kiima kya Emijeyituuni. 38Ku-nsiku, abhaanu bhoone kutyo ꞉bhaariga mbamweja okugenda mw-ibhanja rya riiyekaru, okumwitegeeresha.

বর্তমানে নির্বাচিত:

Ruuka 21: kya

হাইলাইট

কপি