Matiyu 1

Dla̱mti ma̱jwe Yesu Almasihu yil tet tumalsi wu

1Ga̱n ka̱ɗe taka̱rda gwe na̱ma mbokti ang ten mbala̱n jwe Yesu Almasihu yen ga̱ Dauda, yen ga̱ Iba̱rahim yil tet tumalsi wu.

2Iba̱rahim ka̱ɗe aba ga̱ Ishaku,

Ishaku ka̱ zi Yakubu,

Yek Yakubu zi Yehuda suk yilkeni jwasi,

3Yehuda ka̱ɗe aba ga̱ Peres suk Zera, ana gwasa̱n ka̱ɗe Tamar.

Peres ka̱ zi Heza̱ron,

Yek Heza̱ron zi Aram,

4Aram ka̱ zi Aminadab,

Aminadab ka̱ zi Nashon.

5Yek Nashon zi Salmon,

Salmon ka̱ zi Bo'az ma̱lgwe ana gwas ka̱ɗe Rahab wu.

Bo'az ka̱ zi Obida ma̱lgwe ana gwas ka̱ɗe Rut wu.

Yek Obida zi Jese,

6Jese ka̱ zi Dauda guu,

Dauda ka̱ zi Sulemanu ma̱lgwe ana gwas wo, tek go kili ga̱ Uriya ka̱ɗe ti wu.

7Yek Sulemanu guu zi Rehobowam.

Yek Rehobowam zi Abija,

Abija ka̱ zi Asa, 8Asa ka̱ zi Yehoshapat.

Yek Yehoshapat zi Joram,

Joram ka̱ zi Azariya.

9Yek Azariya zi Jotam,

Jotam ka̱ zi Ahaz,

Ahaz ka̱ zi Hezekiya. 10Yek Hezekiya zi Manasa,

Manasa ka̱ zi Amon,

Amon ka̱ zi Josiya.

11Yek Josiya zi Yekoniya suk yilkeni jwasi ka̱ sa'i gwe sa̱ yem ma̱n Yehuda ɗe zhel a Babila wu.

12Kaal ɗa̱ da̱mti zhel gwasa̱n a Babila, yek Yekoniya zi Shayeltiyel,

Shayeltiyel ka̱ zi Zerubabel.

13Yek Zerubabel zi Abihud,

Abihud ka̱ zi Eliyakim,

Eliyakim zi Azor.

14Yek Azor zi Zadok,

Zadok ka̱ zi Akim.

Akim zi Eliyud.

15Yek Eliyud zi Eliyaza,

Eliyaza ka̱ zi Matan,

Matan ka̱ zi Yakubu. 16Yek Yakubu zi Yusupu kos ga̱ Maryam ma̱lgwe zi Yesu gwe asa̱ mbet ɗe Almasihu wu.

17Tet ten Iba̱rahim hal yek la Dauda mbala̱n ɗe kutl cet wupsi ka̱n. A Tet ten Daude yek la da̱mti zhel gwasa̱n a Babila go mbala̱n ɗe kutl cet wupsi ka̱ pak. Tet ten da̱mti zhel gwasa̱n a Babila yek la Almasihu mago mbala̱n ɗe kutl cet wupsi ka̱n.

Za̱t ga̱ Yesu Almasihu

18Kangwe za̱t ga̱ Yesu Almasihu ni wu wuggu. A Yusupu yi ɗe yen kos ga̱ Maryam ana ga̱ Yesu, tun ba̱sa̱ ɓo pa̱l hapti so yek ta̱ mbi yen tuki tumal Shishi ga̱ Nya a ba̱ta̱ ɓo yis maani so. 19Ama na̱k ɗe hwa mbala̱n ka̱ɗe Yusupu yen kos gwas wu, yek ba̱ta̱ lami ɗe ta̱s lak Maryam ka̱ nsha ka̱ dlo mbala̱n so. Yek ta̱ gwe ta̱s zakti mukli.

20Ama tun a ta̱ yima daamti gwas ten pa̱lti nu, yek Yen shinti ga̱ Nya tul malti ka̱ tlunka̱ti. Yek ta̱ wulti ɗe, Yusupu yen ga̱ Dauda, kan Maryam ɗe kili gwa, ba̱ ɓanti cik so, yen tuk gwe ta̱ mbi go sut mal Shishi ga̱ Nya ka̱n. 21Ta zi yen, aka̱ zit shin ɗe Yesu, na̱k ɗe tik ka kis mbala̱n jwas ɗa̱ka̱ pa̱lti byas wul ka̱wu.

22Ili pi na̱k gwisi ta̱ ga̱ɓa gwe Nya dla̱m tumal ma̱n dla̱mti ga̱ɓa gwas wu njika̱n. 23Ga̱ɓa gwe wule, <<Yek ge yen kili gwe ɓo yis maani sowu a mbi yen tuki, ata̱ zi yen maani, asa zit shin ɗe Imanuwel.>> Gwe yek ɗe, <<Nya ni sukmi wu.>>

24Ɗe Yusupu pa̱da̱l tet yemba̱l wu, yek ta̱ kop ilgwe yen shinti ga̱ Nyami hwit ɗe ta̱s pa̱li wu, yek ta̱ hap Maryam ɗe kili gwasi. 25Ama yek ba̱ta̱ yisti so se na̱k ta̱ zi yen cina gwasi, yek ta̱ zit shin ɗe Yesu.

বর্তমানে নির্বাচিত:

Matiyu 1: GYZ

হাইলাইট

কপি