Lō͘-ka Hok-im 4

Iâ-so͘ Siū Chhì-thàm

(Thài 4.1-11; Khó 1.12-13)

1Iâ-so͘ siū Sèng Sîn chhiong-móa, tùi Iok-tàn-hô tńg--lâi. I hō͘ Sèng Sîn chhōa-khì khòng-iá, 2tī hia sì-cha̍p ji̍t kú siū Mô͘-kúi chhì-thàm. Hit-ê kî-kan I lóng bô chia̍h sím-mi̍h, hiah-ê ji̍t-chí kè-liáu, pak-tó͘ chiū iau.

3Mô͘-kúi tùi I kóng, “Kì-jiân lí sī Siōng-tè ê Kiáⁿ, bēng-lēng chit-tè chio̍h-thâu pìⁿ-chòe piáⁿ!”

4Iâ-so͘ ìn kóng, “Sèng-keng ū kì-chài: ‘Lâng teh oa̍h m̄-nā óa-khò piáⁿ.’”

5Jiân-āu Mô͘-kúi chhōa Iâ-so͘ khì kàu koân ê só͘-chāi, chi̍t-ba̍k-nih-kú chiong thiⁿ-ē bān-kok hō͘ I khòaⁿ, 6kā I kóng, “Chiah-ê it-chhè ê koân-sè kap êng-hôa, góa lóng beh hō͘ lí; in-ūi chiah-ê it-chhè í-keng lóng kau hō͘ góa, góa beh hō͘ sím-mi̍h-lâng chiū hō͘ hit-ê lâng. 7Só͘-í, lí nā kūi lo̍h-lâi pài góa, chiah-ê it-chhè lóng-chóng sī lí ê.”

8Iâ-so͘ ìn kóng, “Sèng-keng ū kì-chài:

Tio̍h pài Chú — lí ê Siōng-tè,

chí-ū ho̍k-sāi I.”

9Mô͘-kúi koh chhōa Iâ-so͘ khì Iâ-lō͘-sat-léng, hō͘ I khiā tī Sèng-tiān siōng-koân ê só͘-chāi, kā I kóng, “Kì-jiân lí sī Siōng-tè ê Kiáⁿ, tùi chia thiàu--lo̍h-khì, 10in-ūi Sèng-keng ū kì-chài: ‘Siōng-tè ōe ūi-tio̍h lí bēng-lēng I ê thiⁿ-sài lâi pó-hō͘ lí’; 11koh kóng:

In ōe ēng chhiú kā lí hû--teh,

hō͘ lí ê kha bōe kha̍p-tio̍h chio̍h-thâu.”

12Iâ-so͘ ìn kóng, “Sèng-keng ū kì-chài: ‘M̄-thang chhì-thàm Chú — lí ê Siōng-tè.’”

13Só͘-ū ê chhì-thàm lóng ēng-liáu, Mô͘-kúi chiū lī-khui Iâ-so͘, thèng-hāu āu-piàn ê ki-hōe.

Iâ-so͘ Khai-sí tī Ka-lī-lī Thoân-tō

(Thài 4.12-17; Khó 1.14-15)

14Iâ-so͘ siū Sèng Sîn ê koân-lêng chhiong-móa, tńg-khì Ka-lī-lī. I ê miâ-siaⁿ thoân kàu sì-ûi ta̍k tōe-khu. 15I tī ta̍k-ê hōe-tn̂g kà-sī lâng, siū chèng-lâng chun-kèng.

Iâ-so͘ tī Ná-sat-le̍k Siū Kū-choa̍t

(Thài 13.53-58; Khó 6.1-6)

16Iâ-so͘ tò-khì I tióng-tōa ê só͘-chāi Ná-sat-le̍k, chiàu si̍p-koàn tī An-hioh-ji̍t ji̍p-khì hōe-tn̂g. I khiā khí-lâi beh tha̍k Sèng-keng. 17Ū lâng the̍h chi̍t kńg sian-ti Í-sài-a ê chheh hō͘ I, I chiū thí-khui, chhē-tio̍h chi̍t só͘-chāi ū kì-chài:

18Chú ê Sîn lîm-kàu góa,

in-ūi I ēng iû boah góa,

hō͘ góa thoân hó-siau-sit hō͘ sàn-chhiah-lâng.

I chhe-phài góa soan-pò͘:

Siū-lia̍h--ê tit-tio̍h tháu-pàng,

bô khòaⁿ--kìⁿ-ê koh khòaⁿ--kìⁿ,

siū ap-pek--ê tit-tio̍h chū-iû,

19soan-pò͘ Chú Un-hūi ê Nî#4.19 “Un-hūi ê Nî”: Chham-khòaⁿ Iōng-sû Kán-sek..

20Iâ-so͘ kā chheh kńg--khí-lâi, hêng hō͘ hōe-tn̂g ê chō͘-lí, chiū chē--lo̍h-khì. Hōe-tn̂g lāi ê chèng-lâng lóng chù-ba̍k kā I khòaⁿ. 21I chiū kā in kóng, “Chit-tōaⁿ Sèng-keng, kin-á-ji̍t lín teh thiaⁿ ê sî í-keng si̍t-hiān lah.”

22Tāi-ke lóng chheng-chàn Iâ-so͘, tùi I só͘ kóng jîn-chû ê ōe kám-kak kî-koài, kóng, “Chit-ê lâng kiám m̄-sī Iok-sek ê kiáⁿ?”

23Iâ-so͘ tùi in kóng, “Lín it-tēng ōe ín-iōng ‘I-seng ah, tio̍h i-tī lí ka-kī’ chit-kù sio̍k-gú lâi tùi góa kóng, ‘Goán ū thiaⁿ-tio̍h lí tī Ka-pek-lông chòe chin chōe tāi-chì, taⁿ mā tio̍h tī lí ê kò͘-hiong chòe.’” 24Iâ-so͘ koh kóng, “Góa si̍t-chāi kā lín kóng, sian-ti bô chi̍t ê tī ka-kī ê kò͘-hiong siū hoan-gêng. 25Góa kā lín kóng si̍t-ōe, tī Í-lī-a ê sî-tāi ū khòng-hān saⁿ nî pòaⁿ kú, ta̍k só͘-chāi ū tōa ki-hng, hit-sî Í-sek-lia̍t tiong ū chin chōe kóaⁿ-hū; 26Í-lī-a pèng bô siū chhe khì in hia, chí-ū khì Se-tùn Sat-le̍k-hoat chi̍t ê kóaⁿ-hū hia. 27Sian-ti Í-lī-sa ê sî, Í-sek-lia̍t tiong ū chin chōe bâ-hong pīⁿ-lâng, tû-khì Sū-lī-a-lâng Nái-bān í-gōa, bô chi̍t ê tit-tio̍h chheng-khì.”

28Hōe-tn̂g lāi só͘-ū ê lâng chi̍t-ē thiaⁿ-tio̍h chiah-ê ōe chin siū-khì. 29In khiā--khí-lâi, kā Iâ-so͘ kóaⁿ-chhut siâⁿ-gōa, khiú kàu soaⁿ-khàm, beh kā I chhia--lo̍h-khì; in ê siâⁿ sī khí tī soaⁿ-téng. 30Iâ-so͘ khiok tùi in tiong-kan kiâⁿ--kè, chòe I khì.

Iâ-so͘ I-hó Siâ-sîn Hū-sin ê Lâng

(Khó 1.21-28)

31Iâ-so͘ lo̍h-khì Ka-lī-lī ê Ka-pek-lông-siâⁿ, ta̍k-ê An-hioh-ji̍t lóng ū teh kà-sī lâng. 32In tùi I ê kà-sī kám-kak hui-siông hi-kî, in-ūi I ê ōe ū koân-ui. 33Hōe-tn̂g lāi ū chi̍t ê hō͘ bô chheng-khì ê kúi-sîn hū-sin ê lâng, i tōa-siaⁿ hoah, 34“Ná-sat-le̍k-lâng Iâ-so͘, lí mài chhap--goán! Lí lâi beh húi-bia̍t goán sī--bô? Góa chai lí sī sím-mi̍h-lâng; lí sī Siōng-tè ê Sèng-chiá.”

35Iâ-so͘ kā i chek-pī kóng, “Tiām-tiām! Tùi chit-ê lâng chhut--khì!” Kúi tī chèng-lâng ê bīn-chêng kā i siak-tó, chiū tùi i chhut--khì, lóng bô kā i siong-hāi--tio̍h.

36Chèng-lâng chin tio̍h-kiaⁿ, kóng-lâi-kóng-khì, “I ê ōe ná hiah lī-hāi? I ēng koân-ui kap lêng-le̍k bēng-lēng siâ-sîn, in chiū chhut--khì.” 37Iâ-so͘ ê miâ-siaⁿ chiū thoân kàu sì-ûi ta̍k só͘-chāi.

Iâ-so͘ I-hó Chin Chōe Pīⁿ-lâng

(Thài 8.14-17; Khó 1.29-34)

38Iâ-so͘ lī-khui hōe-tn̂g, ji̍p-khì Se-bûn in tau. Se-bûn ê tiūⁿ-ḿ phòa-pīⁿ, hoat-jia̍t chin sio; ū lâng kā Iâ-so͘ kóng chit-ê tāi-chì. 39Iâ-so͘ khiā óa-khì i ê piⁿ--á, chek-pī jia̍t-pīⁿ, jia̍t chiū thè; hū-jîn-lâng sûi-sî khí-lâi kā in sū-hāu.

40Ji̍t lo̍h ê sî, chèng-lâng chiong ū ta̍k-chióng pīⁿ ê lâng lóng chhōa-lâi chhē Iâ-so͘. Iâ-so͘ chi̍t-ê chi̍t-ê kā in hōaⁿ-chhiú, lóng kā in i-hó. 41Mā ū kúi tùi chin chōe lâng ê seng-khu chhut--lâi, hoah kóng, “Lí sī Siōng-tè ê Kiáⁿ!” Iâ-so͘ kā in chek-pī, m̄-chún in kóng, in-ūi in chai Iâ-so͘ sī Ki-tok.

Iâ-so͘ tī Hōe-tn̂g Thoân-tō

(Khó 1.35-39)

42Thiⁿ chi̍t-ē kng, Iâ-so͘ chiū chhut siâⁿ khì phian-phiah bô lâng tòa ê só͘-chāi. Kui-tīn lâng teh chhē I, chhē--tio̍h chiū kā I lâu--teh, bô ài I lī-khui. 43M̄-kú Iâ-so͘ kā in kóng, “Góa mā tio̍h khì pa̍t-ê siâⁿ-chhī thoân Siōng-tè-kok ê hok-im; che sī Siōng-tè chhe-phài góa lâi ê bo̍k-te̍k.”

44I chiū kè-sio̍k tī Iû-thài ta̍k-ê hōe-tn̂g thoân-tō.

বর্তমানে নির্বাচিত:

Lō͘-ka Hok-im 4: TTVR

হাইলাইট

কপি

Want to have your highlights saved across all your devices? Sign up or sign in

The Bible Society in Taiwan

現代台語譯本羅馬字版 সম্পর্কে আরও জানুন

Popular Bible Verses from
Lō͘-ka Hok-im 4

Videos for Lō͘-ka Hok-im 4

এক নজরে লূক ১-৯

BibleProject

লূক লিখিত সুখবর ৩-৯ অধ্যায়

BibleProject

লূক ৪ছ১-৩০

Lumo Project

লূক ৪ছ৩১-৪৪

Lumo Project

Lō͘-ka Hok-im 4

Popular Bible Verses from
Lō͘-ka Hok-im 4

Videos for Lō͘-ka Hok-im 4

এক নজরে লূক ১-৯

লূক লিখিত সুখবর ৩-৯ অধ্যায়

লূক ৪ছ১-৩০

লূক ৪ছ৩১-৪৪

বাইবেল:

Chinese, Min Nan

সংস্করণ: 現代台語譯本羅馬字版 - TTVR

Lō͘-ka Hok-im 4

Lō͘-ka Hok-im 4

Popular Bible Verses from Lō͘-ka Hok-im 4

Videos for Lō͘-ka Hok-im 4

এক নজরে লূক ১-৯

লূক লিখিত সুখবর ৩-৯ অধ্যায়

লূক ৪ছ১-৩০

লূক ৪ছ৩১-৪৪

বাইবেল:

Chinese, Min Nan

সংস্করণ: 現代台語譯本羅馬字版 - TTVR

Lō͘-ka Hok-im 4

Popular Bible Verses from
Lō͘-ka Hok-im 4